सोशल मीडिया हे आजच्या काळात एक असं व्यासपीठ बनलं आहे, जिथं आपल्याला विविध प्रकारच्या गोष्टी पाहायला, ऐकायला आणि वाचायला मिळतात. ते पाहून अनेकवेळा आपल्याला हसू येतं, तर कधी प्रेरणाही मिळते. काही व्हिडिओ आपल्याला आश्चर्याचा धक्का देणारे ठरतात. जे पाहून आपल्याला विश्वासच बसत नाही. सध्या असाच एक व्हिडिओ सोशल मीडियावर व्हायरल होत आहे. हा व्हिडिओ पाहिल्यावर तुमच्याही भुवया उंचावतील एवढं नक्की.
तुम्ही तुमच्या आयुष्यात असे अनेक कीटक, वनस्पती आणि फुले पाहिली असतील जी सूर्यप्रकाशात त्यांचा रंग बदलतात. पण तुम्ही कधी असा ड्रेस पाहिला आहे का ज्याचा रंग सूर्यप्रकाशात बदलतो. होय, हे खरं आहे. सुर्यप्रकाशात येताच रंग बदणारा ड्रेस सध्या सोशल मीडियात व्हायरल होत आहे.
व्हायरल होत असलेल्या व्हिडिओमध्ये तुम्ही पाहू शकता की, एका महिलेनं पांढऱ्या रंगाचा ड्रेस परिधान केला आहे आणि ती लोकांना सांगतेय की उन्हात जाताच या ड्रेसचा रंग बदलतो. यानंतर ती घराबाहेर पडते आणि पांढरा दिसणारा ड्रेस अचानक गुलाबी रंगाचा होतो. तर ती आत आल्यावर ड्रेस पांढरा होतो. हा व्हिडिओ पाहून तुम्हीही म्हणाल की विज्ञानानं काहीही शक्य होऊ शकतं. जगात कोणत्या प्रकारच्या नवीन गोष्टी शोधल्या जात आहेत याचीही कल्पना यातून येते.
हा व्हिडिओ @izzipoopi नावाच्या युजरने इन्स्टाग्रामवर शेअर केला आहे. जो स्वतः एक फॅशन इन्फ्लुएंसर आहे. व्हिडिओला २ कोटींहून अधिक व्ह्यूज मिळाले आहेत तर २२ लाखांहून अधिक लोकांनी या व्हिडिओला लाईक केलं आहे. यासोबतच लोक या व्हिडिओवर कमेंट करून आपल्या प्रतिक्रिया देत आहेत.