कोण, कधी, कोणाच्या कसं प्रेमात पडेल हे खरंच सांगता येत नाही. प्रेम आंधळं असतं असंही म्हणतात. अशीच एक अजब घटना आता समोर आली आहे. तरुणी पहिल्याच नजरेत चक्क आपल्या चुलत भावाच्याच प्रेमात पडली. इतकंच नाही तर जगाची पर्वा न करता तिने लग्न देखील केलं आहे. डेबोरा पिक्सोटो असं या तरुणीचं नाव आहे. मुलीने दावा केला आहे की ती तिच्याच चुलत भावाच्या प्रेमात पडली जो तिच्यापेक्षा 29 वर्षांनी मोठा आहे.
तरुणीने आपल्या नात्याबद्दल लोक काय म्हणतील याचा विचार केला नाही. आता दोघेही पती-पत्नी आहेत. दोघांची पहिली भेट मुलीच्या वडिलांच्या घरी झाली, त्यानंतरच तिने चुलत भावाच्या प्रेमात वेडी झाली. ती 30 वर्षांची असून तिचा चुलत भाऊ 59 वर्षांचा आहे. भावाचे नाव एंडरसन अल्वेस पिक्सोटो आहे. पहिल्या भेटीनंतर अवघ्या चार दिवसांनी त्यांचे नाते सुरू झाले.
3 महिन्यांतच घेतला लग्नाचा निर्णय
डेबोटा तिची चित्रे विकून पैसे कमावते आणि ती पहिल्यांदाच तिच्यापेक्षा खूप जास्त मोठ्या असलेल्या व्यक्तीसोबत रिलेशनशिपमध्ये होती. त्यांनी 3 महिन्यांनीच लग्न करण्याचा निर्णय घेतला होता. सध्या त्यांच्या लग्नाला 6 वर्षे उलटून गेली आहेत, तरीही लोक त्यांना या निर्णयाबद्दल टोमणे मारतात. त्यांच्या वयातही खूप अंतर असल्याने यासाठी खूप ऐकावे लागते.
लोक म्हणतात - पैशासाठी केलं लग्न
मिररच्या रिपोर्टनुसार, डेबोरा तिच्या रिलेशनशिपबद्दल केल्या जात असलेल्या कमेंट्समुळे नाराज आहे. तिच्या पतीचे वयही तिच्यापेक्षा खूप जास्त असल्याने डेबोराने पैशासाठी लग्न केल्याचे लोकांचे म्हणणे आहे. ती सांगते की 3 दिवसांच्या भेटीनंतर, त्यांचे नाते अधिक घट्ट झाले. आता त्यांचे नाते जुने झाले असले तरी लोकांचा दृष्टीकोन बदललेला नाही. एका हिंदी वेबसाईटने याबाबतचे वृत्त दिले आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"