Why Doctors Wear Green or Blue Dress in Operation Theatre: आजकाल आजार इतके वाढले आहेत की, प्रत्येक व्यक्तीला कधीना कधी हॉस्पिटलमध्ये जावंच लागतं. तुम्ही सुद्धा स्वत:साठी किंवा कुणासोबत तरी हॉस्पिटलमध्ये गेला असालच. यावेळी तुम्ही एक गोष्ट नक्कीच नोटीस केली असेल. ती म्हणजे डॉक्टर ऑपरेशन थिएटरमध्ये किंवा आयसीयूमध्ये निळ्या किंवा हिरव्या रंगाचे कपडे घालून जातात. पण डॉक्टर या रंगाचेच कपडे का घालून जातात? तसेच रूग्णांना सुद्धा हिरव्या किंवा निळ्या रंगाचेच कपडे का घालायला दिले जातात? हेच आज आम्ही तुम्हाला सांगणार आहोत.
डॉक्टर का घालतात हिरवे आणि निळे कपडे
एका रिपोर्टनुसार, सर्जरी किंवा उपचार करत असताना हिरव्या किंवा निळ्या रंगाचे कपडे घालतात कारण हे रंग पाहिल्यावर त्यांच्या डोळयांना आराम मिळतो. तुम्ही पाहिलं असेल की, जेव्हा तुम्ही एखाद्या रंगाकडे एकसारखं बघता तेव्हा डोळ्यांना थकवा जाणवतो. तसेच सूर्याकडे किंवा एखाद्या चमकदार गोष्टीकडे बघितल्यावर डोळे चमकतात. अशात जर तुम्ही लगेच हिरव्या किंवा निळ्या रंगाकडे पाहिलं तर डोळ्यांना आराम मिळतो. आणखी एक कारण म्हणजे त्यांच्या डोळ्यांना थकवा येऊ नये आणि सर्जरी दरम्यान कोणतीही गडबड होऊ नये.
या रंगांमागील सायन्टिफिक कारण
तसेच या रंगाचे कपडे घालण्यामागचं आणखी एक कारण म्हणजे मनुष्यांच्या डोळ्यांची रचना अशी आहे की, ते लाल, हिरवा आणि निळा रंग सहजपणे म्हणजे कोणत्याही त्रासाशिवाय बघू शकतात. पण बाकीचे रंग सूर्यप्रकाशासोबत मिळून एक वेगळा रंग तयार करतात. हेच कारण आहे की, तुम्ही ऑपरेशन थिएटरमध्ये वेगवेगळे आर्टिफिशिअल लाइट बघितले असतील, जेणेकरून डॉक्टर किंवा नर्सना भ्रम होऊ नये.