पॉर्नहब नाव ऐकताच आपल्या डोक्यात सर्वात आधी विचार येतो पॉर्न फिल्मचा. पण पॉर्नहबचा वापर गणित शिकवण्यासाठी केला जाऊ शकतो अशी कल्पना कधी केलीय का? मात्र तैवानमधील एक शिक्षक पॉर्नहबवर गणिताचे धडे देत आहेत. चांगशू सरांच्या व्हिडीओला लाखो व्ह्यूज मिळत असून त्यातून ते वर्षाकाठी २ कोटींची कमाई करत आहेत.
पॉर्नहबवर लोक पॉर्न पाहायला येतात. तिथे येऊन कोण कशाला गणित शिकेल, असा विचार काहींच्या मनात येईल. पण चांगशू यांच्या व्हिडीओला तुफान प्रतिसाद मिळत आहे. चांगशू सर अतिशय सोप्या पद्धतीनं गणित शिकवत असल्यानं अनेकजण पॉर्नहबवर येऊन त्यांचे व्हिडीओ पाहतात. चांगशूमॅथ666 या नावानं सरांचं पॉर्नहबवर व्हेरिफाईड अकाऊंट आहे. त्यांनी एक्स व्हिडीओज आणि इतर पॉर्न साईट्सवरदेखील अकाऊंट सुरू करण्याचा प्रयत्न केला. मात्र इतर साईट्सवर नॉन-अडल्ट क्लिप्स चालत नसल्यानं त्यांना फारसा प्रतिसाद मिळाला नाही.
अधिकाधिक लोकांनी सोप्या, सहज पद्धतीनं गणित शिकावं, असं मला वाटतं. त्यासाठी मी कोणतं व्यासपीठ वापरतो, हे तितकंसं महत्त्वाचं नाही, असं मत चांगशू यांनी व्यक्त केलं. अडल्ट व्हिडीओ प्लॅटफॉर्मवर गणित शिकवणाऱ्यांची संख्या कमी आहे आणि तिथे व्हिडीओ पाहण्यासाठी येणाऱ्यांची संख्या अधिक आहे. त्यामुळे तिथे व्हिडीओ अपलोड केल्यास बरेच लोक व्हिडीओ पाहतील, असा विचार मी केला होता, असं चांगशू यांनी यांनी सांगितलं.