(Image Credit : historycollection.co)
आतापर्यंत आपण इतिहासातील अनेक राजांच्या कथा ऐकल्या-पाहिल्या असतील. यातील काही राजे आपल्यासाठी प्रेरणादायी होते तर काहींच्या कथा ऐकून अंगावर शहारे येतात. इतिहासातील अनेक राजे त्यांच्या हुकुमशाहीसाठी कुप्रसिद्ध होते. अशाच राजांमध्ये एक राजा होता रोमचा तिसरा सम्राट गायस ज्यूलिअस सीझर जर्मेनिकस. रोमच्या या राजाच्या वेगळ्या प्रयोगांचं जेवढं कौतुक केलं जायचं, तेवढंच त्याच्या वाईट गोष्टींबाबतही बोबलं जायचं. चला जाणून घेऊ २ हजार वर्षांपूर्वी कसा होता गायस ज्यूलिअस सीझर जर्मेनिकस.
१) बकरीचं नाव ऐकताच देत होता फाशी
गायस ज्यूलिअस सीझर जर्मेनिकस हा दिसायला उंच आणि सडपातळ होता. तसेच त्याचे डोळे आतल्या बाजूस अधिक होते. शारीरिक रूपाने मजबूत नसल्याने त्याची खिल्ली उडवली जात होती. इतकेच नाही तर त्यांच्या डोळ्यांमुळे लोक त्याची तुलना अनेकदा बकरीसोबत करत होते. त्यामुळे जेव्हा कधी त्याच्यासमोर बकरीचा उल्लेख करत असे, राजा त्या व्यक्तीला फाशीची शिक्षा देत होता.
२) लांब केस असलेल्या लोकांना शिक्षा
जर्मेनिकसला लांब केसांची चीड होती. त्यामुळे त्याच्या साम्राज्यात कुणी जर लांब केस ठेवताना कुणी दिसलं तर, तो त्या व्यक्तीला लगेच टक्कल करण्याचा आदेश देत होता.
३) घोड्याला केलं होतं मंत्री
रोमच्या या सम्राटाला घोड्यांची फार आवड होती. तो त्याच्या इनसिटॅटस या घोड्याच्या फार जवळ होता. इतकेच नाही तर असेही म्हटले जाते की, इनसिटॅटससाठी त्याने एक सुंदर घरही तयार करून घेतलं होतं. तो घोड्यांबाबत फार वेडा होता. त्यामुळे असेही मानले जाते की, त्याने त्याच्या घोड्यांच्या वेडा पायी एका घोड्याला राज्यमंत्रीही केलं होतं.
४) टबमध्ये सोन्याचे दागिणे टाकून आंघोळ करत होता
जर्मेनिकस म्हणजेच कालिगुला याला सोन्याची फार आवड होती. तो बाथटबमध्ये सोन्याने दागिने आणि नाणी टाकून आंघोळ करत असे. तसेच असेही सांगितले जाते की, तो मोत्यांचं पाणी करून पित असे.
५) मित्रांसमोर पत्नीला नग्न फिरवलं
या सम्राटाने चार लग्ने केली होती. पहिल्या पत्नीच्या मृत्यूनंतर त्याने एका महिलेला तिच्या लग्नाच्या दिवशीच पळून आणले होते आणि तिच्याशी लग्न केले. तर त्याच्या तिसऱ्या पत्नीचं आधीच दुसऱ्या एका व्यक्तीसोबत लग्न झालं होतं. त्याची चौथी पत्नी मिलोनिया फार बुद्धिमान आणि सुंदर होती. हेच सिद्ध करण्यासाठी सम्राटाने तिला त्याच्या मित्रांसमोर नग्न करुन फिरवले होते.
या सर्व गोष्टींसोबतच असेही मानले जाते की, गायस ज्यूलिअस सीझर जर्मेनिकसचे त्याच्या बहिणीसोबत शारीरिक संबंध होते. इतकेच नाही तर ज्योतिषाची भविष्यवाणी चुकीची सिद्ध करण्यासाठी एक पुल बांधला होता. ज्यामुळे रोममध्ये दुष्काळ पडला होता. या सम्राटाच्या याच अनेक गोष्टींवर अनेक माहितीपट आणि सिनेमे सुद्धा आले आहेत.
(वरील सर्व फोटो हे या सम्राटावर आधारित कलिगुला या सिनेमातील आहेत)