Knowledge News: जेवण आपल्या जीवनातील सगळ्यात महत्वाचा भाग असतं. कधी लक्षात येत नाही किंवा लक्ष दिलं जात नाही, पण आपला पूर्ण दिवस जेवणाच्या अवतीभोवतीच फिरत असतो. सकाळी नाश्ता, दुपारचं जेवण आणि नंतर रात्रीचं जेवण आपल्या रोजच्या रूटीनचा महत्वाचा भाग असतं. वेगवेगळे कार्यक्रम आणि पार्ट्यांमध्येही खाण्याचा आनंद घेतला जातो. त्याशिवाय जेवण बनवणं, खरेदी करणं, नंतर खाणं यासाठी लागणारा वेळही एक महत्वाची मुद्दा आहे.
आयुष्यात एक व्यक्ती किती खातो?
विस्कॉन्सिन स्टेट जर्नलच्या एका लेखानुसार, आपण आपल्या जीवनातील साधारण २.५ वर्ष जेवण बनवण्यात आणि ३.६ वर्ष खाण्यावर खर्च करतो. म्हणजे आपण रोज जवळपास ६७ मिनिटं खातो. तुम्ही कधी विचार केलाय का की, एक व्यक्ती आपल्या जीवनात किती खातो? नक्कीच केला नसेल. पण याचं उत्तर आज आम्ही सांगणार आहोत. यासंबंधी आकडेवारी पाहून नक्कीच तुमची बोलती बंद होईल. रिपोर्टनुसार, एक व्यक्ती आपल्या पूर्ण आयुष्यात साधारण ३५ टन म्हणजे ३५ हजार किलो अन्न खातो. काही रिपोर्टमध्ये ही आकडेवारी वेगळी आहे. एका दुसऱ्या रिपोर्टमध्ये हा आकडा ७० टन इतका आहे.
साधारणपणे एक व्यक्ती दिवसातून १.५ किलो अन्न खातो. याचं गणित केलं तर हे सरासरी वर्षाला ५०० किलो होतं. या आकडेवारीनुसार एक व्यक्ती आयुष्यभरात साधारण ३५ टन अन्न खातो.
जर लोकांना विचारलं की, तुम्ही कसं जेवण करता? तर जास्तीत जास्त लोक हेच उत्तर देतील की, ते पौष्टिक आहार घेण्याचा प्रयत्न करतात. पण हे सोपं नसतं. फास्ट फूड, गोड पदार्थ आणि सोडा या गोष्टी आपल्या आजूबाजूलाच असतात. या गोष्टी खाणं-पिणं एक मोठं आव्हान असतं. मात्र, वेगवेगळी फळं, भाज्या, कडधान्य नियमितपणे खाणं आरोग्यासाठी चांगलं असतं.
अलिकडे खाण्या-पिण्याच्या अनेक नवीन गोष्टी ट्राय करण्याचं फॅड आलं आहे. केवळ दिवसातून तीन वेळा जेवण सोडूनही लोक काहीतरी चटरपटर खातच असतात. तळलेले तेलकट पदार्थ खात असतात. जे आरोग्यासाठी खूप नुकसानकारक असतात. पॅकेज्ड फूडचं फॅड खूप वाढलं आहे. यानंही शरीराचं नुकसान होतं. पण लोकांच्या सवयी बदलणं इतकंही सोपं नाही. पण हळूहळू या गोष्टी खाण्याची सवय सोडता येऊ शकते.