मूर्तिजापूर : पतीच्या मृत्यूची बनावट कागदपत्रे तयार करू न गोकुल यशवंत गोपनारायण या इसमाची फसवणूक केल्याप्रकरणी मूर्तिजापूर न्यायालयाने महिलेसह १२ जणांविरुद्ध खटला दाखल केला आहे. संगीता रामदास इंगळे (३८) रा. सोनोरी असे मुख्य आरोपी महिलेचे नाव आहे.
या प्रकरणाची माहिती अशी, की अकोल्यातील पंचशील नगरात राहणारे गोकुल गोपनारायण यांच्या पत्नीचे २००७ मध्ये निधन झाले होते. यानंतर गजानन पंढरी इंगळे यांच्या ओळखीच्या माध्यमातून गोकुल यांची ओळख संगीता इंगळे या महिलेसोबत झाली होती. संगीताने आपला पती मरण पावला असल्याची माहिती गोकुल यांना दिल्यानंतर दोघांनी लग्न करण्याचा निर्णय घेतला. ३ जून २००८ रोजी संगीता ही नांदावयास आली. यानंतर काही दिवसातच तिच्या हालचाली संशयास्पद दिसल्या. ती मानसिक छळ करीत असल्याचे लक्षात आल्यावर गोकुल गोपनारायण यांनी सखोल चौकशी केली. त्यांनी न्यायालयात सादर केलेल्या तक्रारीनुसार या महिलेचे हरिष गोरोबा शिंदे रा. चिंचवड पुणे, गोकुल समरत तेलगोटे रा. आंबोडा वेस, आकोट व साहेबराव खळे रा. मजलापूर दापुरा या लोकांसोबत संबंध होते.
दरम्यान, साहेबराव खळे यांनी संगीतावर पत्नीचा हक्क दाखविला. गोकुल गोपनारायण यांनी या प्रकरणाचा पाठपुरावा करीत हरिष शिंदे यांच्या मृत्यू दाखल्यावर संशय आला. त्यांनी चौकशी करण्यासाठी न्यायालयात अर्ज दाखल केला. या प्रकरणाची २०२ नुसार चौकशी झाली. त्यामध्ये संगीता रामदास इंगळे हिने शाळेचे व मृत्यूचे दाखले खोटे असल्याचे पोलिस तपासात निष्पन्न झाले. तक्रारकर्ता गोकुल गोपनारायण यांनी या सर्व प्रकरणात फसवणूक झाल्याची तक्रार न्यायालयात दाखल करू न पत्नी संगीता इंगळे, रामदास ज्योतीराम इंगळे, शकुंतला रामदास इंगळे, योगेश रामदास इंगळे रा. सर्व सोनोरी, प्रमोद उत्तम गुडदे, बाली प्रमोद गुडदे रा. दस्तुनगर अमरावती, मोहन चंद्रभान वानखडे, नलिनी मोहन वानखडे,रवींद्र देवराव वानखडे, शालिनी रवींद्र आठवले रा. श्रीवास्तव लेआउट मोठी उमरी अकोला, जयश्री रामदास इंगळे, तुकाराम नगर पुणे व गजानन पंढरी इंगळे, प्रतिभा नगर सोनोरी यांना दोषी धरले आहे. या प्रकरणात न्यायाधीश निखिल गोसावी यांनी सर्व आरोपींविरुद्ध भादंविच्या कलम ४२०,४६८,४७१,सह ३४ नुसार आदेशिका जारी केली आहे. या प्रकरणात तक्रारकर्ते गोपनारायण यांच्यावतीने ्रशांत गोरे, सुरेश खरडे, भास्कर मोडक यांनी काम पाहिले