कॉफी कोपी लुवाकची टेस्ट घेण्यासाठी जगभरातील लोक इंडोनेशियाला जातात. लोकांचं मत आहे की, ज्याने एकदा या कॉफीची टेस्ट घेतली त्या व्यक्ती जगातली दुसरी कोणतीच कॉफी पसंत पडणार नाही. प्रोसेसिंग आणि टेस्टनुसार या कॉफीची प्रति किलो किंमत २५ हजार रूपयांपासून सुरू होते. या कॉफीची जास्तीत जास्त किंमत २ लाख रुपये प्रति किलो असते.
ही कॉफी जंगली रेड कॉफी बीन्सपासून तयार केली जाते. म्हणजे एशियन पाम सिवेट नावाच्या जनावराच्या विष्ठेपासून ही कॉफी तयार केली जाते. हा प्राणी झाडांवर राहतो. हा प्राणी बोरं तर खातो, पण ते पचवू शकत नाही. आता, एशियन पाम सिवेटला बोरं पचत नसल्याचा आणि कॉफी तयार करण्याचा काय संबंध? असा प्रश्न कोणालाही पडू शकेल. एशियन पाम सिवेट हा बोरं खातो पण तो खालेल्या त्याच्या बियांना पचवू शकत नाही.
त्यामुळे या बीया त्याच्या विष्ठेतून बीन्सच्या रूपात बाहेर येतात. याच बियांपासून कोपी लुवाक कॉफी तयार केली जाते. ही एक फार दुर्मिळ कॉफी मानली जाते. त्यामुळे याची किंमतही फार जास्त आहे. तुम्ही जर कॉफीचे शौकीन असाल तर ही माहिती तुम्हाला निराश करू शकते. कारण जगातली सर्वात महागडी मानली जाणारी 'कोपी लुवाक' या नावाची कॉफी पिण्यासाठी फारच टेस्टी असते. पण ही कॉफी तयार करण्याची पद्धत मात्र फारच हैराण करणारी अशी आहे. वाचून तुम्हीही हैराण होऊन जाल.