ख्रिसमसच्या दिवशी सांताक्लॉज घरोघरी जाऊन मुलांना भेटवस्तू, चॉकलेट्स देतात त्यामुळे लहान मुलंही खूप दिवसांपासून सांताक्लॉजची आतुरतेने वाट पाहत असतात. ख्रिसमसच्या दुसऱ्या दिवशी चर्चमध्ये येशूच्या जन्मदिनी प्रार्थना केली जाते, त्यात सांस्कृतिक कार्यक्रमांचाही समावेश असतो. याच दरम्यान एक धक्कादायक व्हिडीओ समोर आला आहे. लहान मुलांना गिफ्ट देण्यावरून सांताक्लॉजमध्येच तुंबळ हाणामारी, जोरदार राडा झाल्याचं पाहायला मिळत आहे.
सोशल मीडियावर या भांडणाचा व्हि़डीओ तुफान व्हायरल होत आहे. यामध्ये सांताक्लॉज आपापसात भिडले आणि एकमेकांच्या जीवावर उठले. लाथा-बुक्क्यांनी मारहाण केल्याचं दिसत आहे. काही लोक रस्त्यावर काही कारणामुळे भांडताना दिसत आहेत. या भांडणाची खासियत म्हणजे सर्वांनी सांताक्लॉजची वेशभूषा केली आहे. ज्यामुळे या सगळ्यांमधील हे भांडण इंटरनेटवर व्हायरल झाले आहे.
हे सांता एकमेकांना लाथा-बुक्क्यांनी मारताना दिसतायत. हा भन्नाट व्हिडिओ पाहून सोशल मीडिया युजर्सही पोट धरून हसत आहेत. @ViciousVideos नावाच्या अकाऊंटवरून हा व्हिडीओ ट्विटरवर शेअर करण्यात आला आहे. सहा हजारांहून अधिक लोकांनी तो पाहिला असून त्यावर कमेंट केली आहे. पहिल्यांदा सांताक्लॉजला आपापसात भांडताना पाहत असल्याचं काहींनी म्हटलं आहे. एका हिंदी वेबसाईटने याबाबतचे वृत्त दिले आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"