ठळक मुद्देभरत महाजन यांच्या शेतात 4 रोजी दुपारी 12 वाजेच्या सुमारास शेतात झाला सुरूंगाचा स्फोट निंदणीसाठी वापरली जाणारी खुरपी जोरात लागल्याने झाला मोठा स्फोट स्फोटानंतर उडालेल्या दगडांमुळे अफसाना तडवी या युवतीच्या तोंडावर व हातावर झाल्या जखमा
ऑनलाईन लोकमतके:हाळे, ता.रावेर,दि.6 - तालुक्यातील पिंप्री येथील भरत महाजन यांच्या शेतात 4 रोजी दुपारी 12 वाजेच्या सुमारास शेतात सुरूंगाचा स्फोट झाला. स्फोटामुळे उडालेल्या दगडांनी 17 वर्षीय अफसाना तडवी ही मुलगी जखमी झाली. रावेर तालुक्यातील पिंप्री ते के:हाळे वीज उपकेंद्र या रस्त्याचे दुतर्फा काम सुरु आहे. रस्त्याच्या कामासाठी खडी आणण्याचे काम सुरू आहे. यामध्ये फुटलेला सुरूंगाचा एक भाग खडीसोबत भरत महाजन यांच्या शेतात आला. 4 रोजी महिला पिकांची निंदणी करीत होत्या. निंदणीसाठी वापरली जाणारी खुरपी जोरात लागल्याने मोठा स्फोट झाला. या घटनेनंतर महिलांनी घाबरून शेतातून पळ काढला. स्फोटानंतर उडालेल्या दगडांमुळे अफसाना तडवी या युवतीच्या तोंडावर व हातावर जखमा झाल्या आहेत.