कुस्ती : जळगावचा नितीन गवळी विजयी

 जळगाव : महाराणा प्रतापसिंह यांच्या जयंतीनिमित्त आयोजित कुस्ती स्पर्धेत जळगावचा नितीन गवळी अजिंक्य ठरला़ त्याने मानाच्या कुस्तीत धुळ्याच्या तनवीर बेगला चीत करत जेतेपदाचा मान मिळवला़ या कुस्त्यांचे आयोजन महाराणा प्रतापसिंह प्रतिष्ठानतर्फे व एलक़े़ फाउंंडेशनच्या सहकार्याने करण्यात आले होते. या कुस्त्या बहिणाबाई उद्यानजवळील महाराणा चौकात शनिवारी सायंकाळी झाल्या़ उद्घाटन आमदार गिरीश महाजन तर आखाडा पूजन नगरसेवक ललित कोल्हे यांच्या हस्ते करण्यात आले़ या वेळी महाराणा प्रतापसिंह प्रतिष्ठानचे सचिव अतुल हाडा, माजी आमदार गुुरूमुख जगवाणी, डॉ़ नारायण खडके, कैलास सोनवणे, सचिन निरपगारे, बापू साळुंके, रामचंद्र पाटील, रवींद्रसिंग परदेशी यांच्यासह महाराणा प्रतापसिंह प्रतिष्ठानचे पदाधिकारी उपस्थित होते़ शेवटची मानाची कुस्ती ५५ किलो वजन गटात जळगावचा नितीन गवळी आणि धुळ्याच्या तनवीर बेग यांच्यात रंगतदार पद्धतीने झाली़ या अटीतटीच्या कुस्तीत शेवटी नितीनने तनवीरला चीत करत जेतेपदाचा बहुमान मिळवला़ नितीनला एकूण ४२०० रुपयांचे तर तनवीरला २२०० रुपयांचे बक्षीस मान्यवरांच्या हस्ते देण्यात आले़ विविध वजन गटात एकूण ५५ कुस्त्या या वेळी झाल्या़ पंच म्हणून दिलीपसिंह परदेशी, विजय वाडकर आदींनी काम पाहिले़