मालवाहू वाहनाच्या धककेत दुचाकीस्वार ठार

एक जण जखमी

पारोळा : भरधाव वेगाने जाणाऱ्या मालवाहू वाहनाने मोटारसायकलला जोरदार धडक दिल्याने कैलास दिलीप चौधरी (४१, रा. बुरझड ता. जि. धुळे ) हे मोटारसायकलस्वार जागीच ठार झाले. त्यांचामागे बसलेला एक जण गंभीर जखमी झाला. हा अपघात मंगळवारी संध्याकाळी साडे पाच वाजेच्या सुमारास आशिया महामार्गावर पारोळा शहरापासून दीड किमी अंतरावर सत्यनारायण मंदिरा जवळ झाला.कैलास दिलीप चौधरी (४१) व अन्य एक जण मोटारसायकलने (क्रमांक एमएच १८, बीयू ०७३७) धुळेकडे जात असताना समोरून साहित्य घेऊन येणाऱ्या मालवाहू वाहनाने (एमएच ०४, बीयू ०५२४) जबर धडक दिली. त्यात मोटरसायकलचालक कैलास चौधरी हे जागीच ठार झाले तर त्यांच्या मागे बसलेला एक जण गंभीर जखमी झाला. घटनास्थळा वरून रुग्णवाहिका चालक ईश्वर ठाकूर यांनी जखमीला पारोळा कुटीर रुग्णल्यात उपचारासाठी दाखल केले. तेथे डॉ. योगेश साळुंके डॉ. पारोचे यांनी उपचार केले.अपघातानंतर मालवाहू वाहन पोलिसांनी पकडले असून चालकासही ताब्यात घेण्यात घेण्यात आले. रात्री उशिरापर्यंत गुन्हा दाखल करण्याचे काम सुरू होते.