ठळक मुद्देनॉन इंटरलॉकिंग, तिसरी लाईन जोडण्याचे कार्यइतर तांत्रिक कामासाठी १९ एप्रिलपर्यंत दररोज ब्लॉक घेणार
भुसावळ : विभागात नॉन इंटरलॉकिंग, तिसरी लाईन जोडण्याचे कार्य तसेच इतर तांत्रिक कामासाठी ६ ते १९ एप्रिलपर्यंत दररोज ब्लॉक घेण्यात येणार आहे. १० रोजी सकाळी ९:५० ते १२:५० यादरम्यान खांबा क्रमांक ४४३ जवळ कार्यासाठी ब्लॉक घेण्यात आला होता. यामुळे अप मार्गावरील सहा गाड्यांना सुमारे एक ते दोन तास विलंब झाला. यात गाडी क्रमांक १२५३३ लखनऊ-मुंबई पुष्पक एक्स्प्रेस ५० मिनिट,१२६२८ नई दिल्ली-बेंगलोर कर्नाटका एक्सप्रेस ५० मिनट, १५०१८ गोरखपूर-एलटीटी काशी एक्सप्रेस दोन तास, १७०१९ जयपूर-हैदराबाद ५५ मिनट, १७०३७ सिकंदराबाद-बिकानेर ४५ मिनिट, १२१६६ बनारस-रत्नागिरी १५ मिनिटे उशिराने धावल्या.१९ एप्रिलपर्यंत रेल्वे ब्लॉकमुळे गाड्यांची अशी स्थिती राहणार आहे, अशी माहिती सूत्रांनी दिली.