जामनेर : विजयादशमीनिमित्त यंदा कोरोनाचा प्रादुर्भाव टाळण्यासाठी रावण दहनाचा कार्यक्रम रद्द केला गेला. गोविंद महाराज संस्थानचा पालखी सोहळा रविवारी साधेपणाने साजरा केला गेला.जुन्या बोदवड रोडवरील मैदानाच्या मागे प्रतिवर्षी शमी पूजन केले जाते व येथपर्यंत पालखी आणली जाते. यंदा नगारखान्यातच पालखी पूजन झाले. संस्थानचे प्रताप पाटील, दीपक जोशी, गोटू देशपांडे, निखील जोशी, विठ्ठल देशमुख आदी उपस्थित होते. शहरातील रेणुका देवी, मंम्मा देवी व सिध्दगड भवानी मंदिरात भाविकांनी दर्शन घेतले.