लोकमत न्यूज नेटवर्क
फैजपूर : येथील जगनाडे नगर मध्ये तीन- चार दिवसापासून भावाकडे राहण्यास आलेल्या एका ३७ वर्षीय तरुणाने गळफास घेऊन आत्महत्या केल्याची घटना शनिवारी सकाळी उघडकीस आली. मृत तरुणाचे नाव नितीन शशिकांत तायडे असे आहे.
नितीन हा न्हावी येथे एकटा रहात होता व रिक्षा चालवून तो आपला उदरनिर्वाह करत होता. मात्र गेल्या तीन- चार दिवसांपासून तो फैजपूर येथील जगनाडे नगर मध्ये वास्तव्य असलेल्या आपल्या भावाकडे आलेला होता शुक्रवारी रात्री सर्वजण जेवण करून झोपले असता शनिवारी सकाळी नितीन याचे वडील स्वयंपाक घरात गेले असता त्यांना नितीन याने गळफास लावून आत्महत्या केल्याचे निदर्शनास आले.
घटनेची माहिती तात्काळ पोलिसांना देण्यात आली. त्यांनी घटनास्थळी भेट देऊन नितीनचा मृतदेह यावल येथे शवविच्छेदनासाठी रवाना केला. या घटनेप्रकरणी उल्हास तायडे यांनी खबर दिल्यावरुन पोलिसात अकस्मात मृत्यूची नोंद करण्यात आली आहे. तपास सपोनि प्रकाश वानखेडे, पोलीस नाईक उमेश चौधरी करीत आहेत.