जळगावात उडीद-मूग खरेदी केंद्रावर ४ हजार ३५० शेतकऱ्यांची नोंदणी

अमळनेरचे केंद्र सुरू

जळगाव : जिल्ह्यातील ३ उडीद-मूग-सोयाबीन खरेदी केंद्रांपैकी अमळनेर येथील खरेदी केंद्र अखेर मंगळवारी सुरू झाले. तर पाचोरा व जळगाव येथील खरेदी केंद्र दोन दिवसात सुरू होतील, अशी माहिती जिल्हा मार्केटिंग अधिकारी परिमल साळुंखे यांनी ‘लोकमत’शी बोलताना दिली. दरम्यान या तिन्ही केंद्रांवर मिळून सुमारे ४ हजार ३५० शेतकºयांची आॅनलाईन नोंदणी झाली आहे.शासनाने मुगाला ६९७५ रूपये, उडीद ५६०० तर सोयाबीनला ३३०० रूपये प्रतिक्विंटल हमीभाव जाहीर केला आहे. आॅनलाईन नोंदणीची मुदत ९ आॅक्टोबरपर्यंत होती. त्यानुसार जळगाव केंद्रावर या मुदतीत सुमारे २ हजार शेतकºयांनी, पाचोरा केंद्रावर ५५० तर अमळनेर केंद्रावर सुमारे १८०० शेतकºयांनी आॅनलाईन नोंदणी केली आहे.