जळगाव : मनपा निवडणुकीसाठी जलसंपदा मंत्री आणि भाजपाचे दोन्ही आमदार सोमवारी नागपूर येथील विधीमंडळाचे पावसाळी अधिवेशन सोडून जळगावात तळ ठोकून होते. तर माजी मंत्री एकनाथराव खडसे हे मुक्ताईनगरात तेथील नगरपंचायत निवडणुकीसाठी थांबून होते.जिल्ह्यातील या दोन्ही निवडणुका भाजपाने प्रतिष्ठेच्या केल्या आहेत. जळगाव मनपा निवडणुकीवर मंत्री गिरीश महाजन यांनी तर मुक्ताईनगर नगरपंचायत निवडणुकीवर एकनाथराव खडसे यांंनी लक्ष केंद्रीत केले आहे. महाजन यांच्यासोबत जळगावात भाजपाचे महानगराध्यक्ष तथा आमदार सुरेश भोळे यांनी तसेच आमदार चंदूलाल पटेल या दोघांनी लक्ष ठेवले आहे. या निवडणुकीसाठी भोळे यांनी अधिवेशात हजर न राहण्याबाबत अर्ज दिला असून चंदूलाल पटेल यांनी १३ तारखेपर्यंत अधिवेशनात रजा टाकली आहे. दरम्यान आमदार स्मिता वाघ या अधिवेशनासाठी नागपुरात आहेत.
महापालिका निवडणूक : मंत्री व आमदार जळगावात ठाण मांडून
By लोकमत न्यूज नेटवर्क | Updated: July 10, 2018 13:05 IST