मनमाड-नांदगाव दरम्यान रेल्वेचा मेगा ब्लॉक

भुसावळ विभागातील मनमाड-नांदगाव रेल्वे सेक्शन दरम्यान उद्या ९ व १० आॅक्टोबर दरम्यान दोन दिवसाचा इंजिनिअरिंग व ओएचई ब्लॉक ठेवण्यात आला असून यामुळे भुसावळ येथून जाणाऱ्या चार गाड्यांचा खोळंबा होणार आहे.

ठळक मुद्देभुसावळ येथून येणाºया चार गाड्यांचा होणार खोळंबादोन दिवसांचा असेल मेगा ब्लॉक

भुसावळ, जि.जळगाव : भुसावळ विभागातील मनमाड-नांदगाव रेल्वे सेक्शन दरम्यान उद्या ९ व १० आॅक्टोबर दरम्यान दोन दिवसाचा इंजिनिअरिंग व ओएचई ब्लॉक ठेवण्यात आला असून यामुळे भुसावळ येथून जाणाऱ्या चार गाड्यांचा खोळंबा होणार आहे.५११५४ भुसावळ-मुंबई पॅसेंजर ही गाडी ९ ते १५ आॅक्टोबरपर्यंत रद्द राहील तर ५११५३ मुंबई -भुसावळ पॅसेंजर १० ते १६ आॅक्टोबरपर्यंत रद्द राहणार आहे.९ व १० आॅक्टोबर दोन दिवस १५०१८ गोरखपूर कुर्ला टर्मिनस काशी एक्सप्रेस दुपारी १ ते ३ वाजेपर्यंत दोन तास हिस्वल स्थानकावर थांबेल. १२३३५ भागलपुर लोकमान्य टिळक टर्मिनस सुपरफास्ट एक्सप्रेस ही गाडी दुपारी २.१५ ते ३ वाजेपर्यंत नांदगाव रेल्वे स्थानकावर थांबा घेणार आहे.याशिवाय १२५३३ लखनऊ-मुंबई पुष्पक एक्सप्रेस दुपारी २.१५ ते ३ वाजेपर्यंत नांदगाव रेल्वे स्थानकांवर थांबणार आहे. रेल्वे प्रवाशांनी याची नोंद घ्यावी, असे आवाहन भुसावळ रेल्वे वाणिज्य विभागातर्फे करण्यात आले आहे.