जळगाव : राज्य नाभिक महामंडळाच्या कार्यकारिणीची बैठक नुकतीच उत्साहात पार पडली. यावेळी प्रदेश अध्यक्ष दत्ता अनारसे, अंबादास पाटील उपस्थित होते. महाराष्ट्र केस शिल्पी मंडळ कार्यान्वित करणे आणि शासनाकडे पाठपुरावा करणे, असे ठराव करण्यात आले. यशस्वितेसाठी संजय अहिरे, मनोज बिढे यांनी परिश्रम घेतले.
महिला महाविद्यालयात बजेटवर व्याख्यान
जळगाव : अरुणोदय ज्ञान प्रसारक मंडळ संचलित कला, वाणिज्य आणि गृहविज्ञान महिला महाविद्यालयात अर्थशास्त्र विभागाच्या वतीने गुरूवारी दुपारी अंदाजपत्रक २०२१-२२ या विषयावर अर्थतज्ज्ञ डॉ. ज.फा. पाटील यांचे व्याख्यान पार पडले. हे व्याख्यान ऑनलाईन घेण्यात आले होते. यावेळी प्राचार्या डॉ. जयश्री पाटील, डॉ. सतीश जाधव, डॉ. हिरालाल चव्हाण, प्रा. डॉ. श्रीकांत चौधरी उपस्थित होत्या. डॉ. पाटील यांनी अर्थशास्त्रातील विविध पैलू उलगडून दाखवले.