मका, कापूस घरात पडून

कापूस, मका अनेक शेतकऱ्यांच्या घरात पडून आहे.

जामनेर : शेतकऱ्यांच्या घरात कापूस व मका जमा झाला आहे. शासनाने तातडीने खरेदी केंद्र सुरू करण्याची मागणी होत आहे.अडचणीत सापडलेल्या शेतकऱ्यांना नाईलाजात्सव मातीमोल भावात व्यापाऱ्यांना विकावा लागत आहे.कोरड्या कापसाला ४ हजार ५०० व ओल्या कापसाला ३ हजार ६०० ते ३ हजार ८०० भाव व्यापारी देत आहे. मका ९०० पासून तर ११०० रुपये या दराने खरेदी केला जात असल्याचे सांगितले जात आहे.यंदा परतीच्या पावसाने कापूस, मका व सोयाबीनचे मोठ्या प्रमाणात नुकसान झाले. उत्पादनातही घट आली. शासनाने हमीभाव जाहीर करून तातडीने शासकीय खरेदी सुरू करण्याची मागणी होत आहे.