आॅनलाइन लोकमतअमळनेर, जि. जळगाव, दि. २४ - कळमसरे जि. प. शाळेच्या विद्यार्थीनींवर लैंगिक अत्याचार करणाºया जगदीश भास्कर पाटील या शिक्षकावर चार गुन्हे दाखल करण्यात आले आहे. दुसºया दिवशीही या घटनेचे पडसाद उमटून संतप्त पालकांनी शाळेला कुलूप ठोकले. मुलींच्या शाळेत महिलाच शिक्षिका नेमाव्यात ही भूमिका घेऊन जगदीश पाटील यास बडतर्फची मागणी केली. शाळेतील इतर शिक्षकांनी अखेर बाहेर वर्ग भरवून मुलांना शिकवले. दरम्यान, प्रभारी गटविकास अधिकारी एस.डी. वायाळ यांनी संबंधित शिक्षकास निलंबित करण्याचे आदेश देऊन सोमवारी बडतर्फीचा प्रस्ताव पाठवा, अशा सूचना त्यांनी शिक्षण विभागास दिल्या.
घटनेचे वृत्त कळताच गटशिक्षणाधिकारी अशोक बिºहाडे, केंद्रप्रमुख अशोक सोनवणे, स. पो. नि. अवतारसिंग चव्हाण यांनी शाळेत भेट दिली. शिक्षणाधिकाºयांना ही घटना समजल्यावर त्यांनी उपजिल्हा शिक्षणाधिकारी ए. बी. गायकवाड यांना शाळेत चौकशीसाठी पाठवले तर बिºहाडे यांनी मुली व पालकांचे जबाब घेतले.यावेळी माजी मंत्री एकनाथ खडसे यांनीही भ्रमणध्वनीवरून उपसरपंच मुरलीधर महाजन यांना पालकांच्या सोबत असल्याचे सांगितले. मधुकर माली, मनोज चौधरी, अशोक बाविस्कर, शेतकी संघ संचालक पिंटू राजपूत, अतुल नेमाडे यांच्यासह अनेक पालक हजर होते.घटना गंभीर असून शिक्षकाला तात्काळ निलंबित करून त्याचा बडतर्फीच्या कारवाईचा प्रस्ताव पाठवावा. कठोर कारवाई केली जाईल, असे जिल्हाउपशिक्षणाधिकारी ए. बी. गायकवाड यांनी भेटी प्रसंगी सांगितले.