ठळक मुद्देबिबट्याच्या मृत्यूचे कारण अज्ञान मंगळवारी होणार शवविच्छेदनघटनास्थळी वनविभागाच्या अधिकाऱ्यांची भेटमृत बिबट्या नर जातीचा
चाळीसगाव, जि.जळगाव : तालुक्यातील रोकडे गावाजवळील बाणगाव रस्त्यावरील सुपडू देवराम पाटील या शेतकऱ्याच्या शेतीच्या बांधावर बिबट्याचा मृतदेह सोमवारी दुपारी चार वाजता आढळला. यामुळे खळबळ उडाली आहे. बिबट्याच्या मृत्यूचे नेमके कारण समजू शकले नाही.याबाबतची माहिती माजी सरपंच संदीप पाटील, गोकुळ पाटील, सुनील पाटील यांनी वनविभागाला कळवली. यानंतर वनपरिक्षेत्र अधिकारी संजय मोरे यांनी वनपाल देवरे, अजय महिरे यांना घटनास्थळी रवाना केले. मानद वन्यजीव रक्षक राजेश ठोंबरे हेदेखील घटनास्थळी रवाना झाले आहेत.दरम्यान, बिबट्याच्या मृतदेहाचे मंगळवारी शवविच्छेदन केल्यानंतरही मृत्यूचे नेमके कारण कळणार आहे. हा बिबट्या नर जातीचा असल्याचे सांगण्यात आले.