महामार्गावर पुन्हा अपघात, अंत्यविधीसाठी जाणारे काका-पुतणे अपघातात ठार

जळगावनजीकची घटना

जळगाव : बांभोरी, ता. धरणगाव येथे अंत्यविधीसाठी जाणारे महेश पोपट तायडे (३३) व त्यांचा पुतण्या जयवंत उर्फ कृष्णा रतीलाल तायडे (१४), दोन्ही रा. रवंजा, ता. एरंडोल या काका-पुतण्याच्या दुचाकीला अज्ञात वाहनाने धडक दिल्याने झालेल्या अपघातात दोन्ही जण ठार झाले. हा अपघात शुक्रवारी सकाळी राष्ट्रीय महामार्ग क्रमांक सहावर जळगाव-एरंडोल मार्गावर बांभोरी नजीक झाला.अपघातानंतर मृतदेह जिल्हा रुग्णालयात आणण्यात आला. त्या वेळी रुग्णालयात मोठी गर्दी झाली होती.