Jalgaon: घरात घुसून १२ वर्षीय मुलीशी अश्लील चाळे, संशयित फरार, परिसरातच राहणाऱ्याचे कृत्य

Jalgaon: १२ वर्षीय अल्पवयीन मुलगी घरात असताना तेथे येऊन एका जणाने तिच्यासोबत अश्लील चाळे करून तिचा विनयभंग केला. हा धक्कादायक प्रकार २५ ऑगस्ट रोजी एमआयडीसी पोलिस ठाण्याच्या हद्दीत एका भागात घडला.

- विजयकुमार सैतवालजळगाव - १२ वर्षीय अल्पवयीन मुलगी घरात असताना तेथे येऊन एका जणाने तिच्यासोबत अश्लील चाळे करून तिचा विनयभंग केला. हा धक्कादायक प्रकार २५ ऑगस्ट रोजी एमआयडीसी पोलिस ठाण्याच्या हद्दीत एका भागात घडला. याप्रकरणी एका जणाविरुद्ध २५ ऑगस्ट रोजी रात्री एमआयडीसी पोलिस ठाण्यात पोस्को कायद्यांतर्गत गुन्हा दाखल करण्यात आला. या प्रकारानंतर संशयित फरार झाला.

पीडित १२ वर्षीय अल्पवयीन मुलगी घरात असताना २५ ऑगस्ट रोजी दुपारी ४ वाजता याच परिसरात राहणाऱ्या एकाने मुलीसोबत अंगलट करीत अश्लील चाळे केले व तिचा विनयभंग केला. मुलीने ही माहिती तिच्या कुटुंबीयांना दिली. त्यानंतर मुलीसह तिच्या कुटुंबीय एमआयडीसी पोलिस ठाण्यात गेले व मुलीच्या नातेवाईक महिलेने फिर्याद दिली. पुढील तपास पोलिस उपनिरीक्षक रुपाली महाजन करीत आहेत.