ऑनलाईन लोकमत
जळगाव,दि.19 : शहरात मोकाट कुत्र्यांनी हैदोस घातला असून रविवारी उस्मानिया पार्कमध्ये दोन बालकांवर या कुत्र्यांनी हल्ला केला. त्यांच्या बचावासाठी आलेल्या बालकाच्या आईलाही या कुत्र्याने चावा घेतला. यात दिलशान दिनेश तेजी (वय 5) व हुसनैन खान जाकीर खान कुरेशी या दोन बालकांना कुत्र्यांनी गंभीर जखमी केले आहे.
लहान मुले व वृध्दांना चावा घेतला जात असल्याने नागरिकांमध्ये भितीचे वातावरण आहे. रविवारी शहरातील विविध भागात सहा बालकांसह अन्य सहा अशा 12 जणांना कुत्र्यांनी चावा घेतला. त्यांच्यावर जिल्हा रुग्णालयात उपचार करण्यात आले.
कुत्र्याने केलेल्या हल्ल्यातील जखमी
रुख्मिणी लक्ष्मण सिगंटे (वय 65 रा. शिवाजीनगर), अरुणा राजेश चव्हाण (वय 38 रा. सम्राट कॉलनी), शबानाबी मुस्ताक अली (वय4), शरीया मोहम्मद रफीक ( वय 6, रा.गेंदालाल मील), हितेश प्रल्हाद वारुळे (वय 4, रा. खोटेनगर), ईसाल रेवेलसिंग भिलाला (वय 6 रा.पाल), प्रदिप सुरसिंग पाटील ( वय 40 रा. पिंप्राळा), नामदेव मोतीराम जाधव ( वय 51 रा.कुसुंबा), शामकांत गुजर ( वय 40 रा. निमखेडी) व शबाना बी जाकीर खान यांचा समावेश आहे.