‘लोकमत शॉपिंग उत्सव’चे थाटात उदघाटन

ग्राहकांचा उत्स्फूर्त प्रतिसाद : ‘लोकमत’चे उपक्रम प्रेरणादायी व अनुकरणीय असल्याचा मान्यवरांचा सूर

जळगाव : पारख प्लेक्सस रिअल्टी लि. प्रस्तुत तीन दिवसीय लोकमत शॉपिंग उत्सव-2017चे मान्यवरांच्या उपस्थितीत शुक्रवारी दुपारी थाटात उद्घाटन झाले.  ‘लोकमत’चे सर्वच उपक्रम प्रेरणादायी व अनुकरणीय असल्याचे गौरवोद्गार मनपा आयुक्त जीवन सोनवणे यांच्यासह उपस्थित मान्यवरांनी काढले. लोकमत शॉपिंग उत्सवाच्या पहिल्याच दिवशी जळगावकरांचा उत्स्फूर्त प्रतिसाद               लाभला. रिंगरोडवरील यशोदया मल्टीपर्पज हॉलमध्ये 6 ते 8 जानेवारी दरम्यान  आयोजित या उत्सवाच्या उद्घाटनप्रसंगी प्रमुख अतिथी म्हणून महानगरपालिकेचे आयुक्त जीवन सोनवणे, पारख प्लेक्सस रिअल्टी लि. ‘मेरा घर’चे विनय पारख, ए.एम.सोलर ट्रंकीचे योगेश मुंदडा, साईकृपा बेन्टेक्स ज्वेलर्स अॅण्ड कॉस्मेटिक्स प्रेङोंट आर्टीकलच्या हेमलता बामणोदकर, रुख्मा टेण्ट हाऊसचे किशोर महाजन, ‘लोकमत’चे संपादकीय प्रमुख मिलिंद कुळकर्णी, वरिष्ठ महाव्यवस्थापक प्रवीण चोपडा उपस्थित होते. ‘लोकमत’चे संस्थापक संपादक जवाहरलालजी दर्डा यांच्या स्मृतीस अभिवादन करून मान्यवरांच्याहस्ते दीपप्रज्वालन व फीत कापून उत्सवाचे उद्घाटन करण्यात आले. प्रास्ताविक मिलिंद कुळकर्णी यांनी केले. सुरुवात चांगली झाली तर वर्ष चांगले विनय पारख यांनी आपल्या मनोगतात सांगितले की, नवीन वर्षाच्या पहिल्याच आठवडय़ात ‘लोकमत’ ने या उत्सवाचे आयोजन केल्याने त्यास चांगला प्रतिसाद मिळेल. नवीन वर्षाची सुरुवात चांगली झाली की, संपूर्ण वर्षही चांगले जाते, असा विश्वास त्यांनी व्यक्त केला. ‘लोकमत’ व जळगाव नाण्याचा दोन बाजूविनय पारख म्हणाले, ‘लोकमत’ व जळगाव शहर म्हणजे नाण्याच्या दोन बाजू आहेत. दिवसाची सुरुवात ‘लोकमत’शिवाय शक्यच नाही. ‘लोकमत’च्या विविध योजना, विविध        सदरे यामुळे तो एक अविभाज्य घटक बनला आहे. पारख प्लेक्सस रिअल्टी लि. ‘मेरा घर’ प्रस्तुत लोकमत शॉपिंग उत्सव 2017 साठी ए.एम.सोलर ट्रंकी यांचे सहप्रायोजकत्व तर गिफ्ट पार्टनर म्हणून साईकृपा बेन्टेक्स ज्वेलर्स अॅण्ड कॉस्मेटिक्स प्रेङोंट आर्टीकल हे लाभले आहे.या उत्सवाच्या पहिल्याच दिवशी अबालवृद्धांची गर्दी झाली होती.‘लोकमत’च्या प्रेरणेने मनपाही खरेदी उत्सव सुरू करणार‘लोकमत’ अनेक बाबतीत अग्रेसर असल्याचे, आयुक्त जीवन सोनवणे यांनी सांगितले. लोकांना काय हवे हे ‘लोकमत’ जाणून घेते. ‘लोकमत’चा आदर्श घेऊन विविध उपक्रम इतरही राबवित आहे. त्यामुळे ‘लोकमत’ प्रेरणादायी आहे. या उत्सवाचे सोनवणे यांनी विशेष कौतुक केले व या उत्सवापासून प्रेरणा घेऊन येथील बंद पडलेला मनपाचा खरेदी उत्सव या वर्षी सुरू करू व येथील रचना तेथे करण्यात येईल, असा मनोदयही व्यक्त केला. स्टॉलची घेतली माहितीउद्घाटन समारंभानंतर मान्यवरांनी उत्सवातील प्रत्येक स्टॉलला भेट देऊन उत्पादनांची सविस्तर माहिती जाणून घेतली. यामध्ये काही खाद्य पदार्थाची चव घेतली.व्यवसायाची चांगली संधीनोटा बंदीनंतर दोन महिने कठीण गेले, मात्र नवीन वर्षाची सुरुवात सकारात्मक विचाराने झाल्याने सर्वाना व्यवसायाच्या चांगली संधी आहे. या उत्सवात मुंबईतील स्टॉल धारक सहभागी झाले असून यापुढे लंडनचेही स्टॉलधारक सहभागी होतील, असा विश्वास योगेश मुंदडा यांनी मनोगतात व्यक्त केला. गृहिणींची इच्छा होणार पूर्ण‘लोकमत’चे उपक्रम उत्कृष्ट असतात. त्यातील या शॉपिंग उत्सवामुळे गृहिणींच्या खरेदीची इच्छा पूर्ण होईल, असा विश्वास हेमलता बामणोदकर यांनी व्यक्त केला. ‘लोकमत’च्या या उपक्रमामुळे महिलांना स्वावलंबी होण्याचीही संधी असल्याचे त्यांनी नमूद केले. घर खरेदी ते घरातील सर्व वस्तू एकाच ठिकाणीया शॉपिंग उत्सवाचे वैशिष्टय़ म्हणजे  घर, दुचाकी, इलेक्ट्रॉनिक्स वस्तू, साडी, पेस्ट कंट्रोलसह पापड, कुरडया, कुर्तीज्, मुखवास, हँडमेड गिफ्ट, बेन्टेक्स ज्वेलरी याशिवाय फुडझोन मध्ये गरमागरम मुंगभजी, भरीत-भाकरी, पाणीपुरी, अप्पे अशा विविध वस्तूंचा आस्वाद घेण्यासह महिलांनी बचत गटाच्या माध्यमातून बनविलेल्या वस्तूंचीही रेलचेल येथे असल्याने घर खरेदीपासून ते घरातील सर्व वस्तू एकाच दालनाखाली खरेदीची संधी उपलब्ध झाली आहे. ज्या ज्वेलरी आपल्याकडे सहजासहजी उपलब्ध होत नाही अशा मुंबईच्या ज्वेलरीदेखील या उत्सवात खरेदी करता येणार आहे. गेमझोनखरेदीसोबतच खाद्य पदार्थाचा आस्वाद घेताना बच्चे कंपनीला खेळण्यासाठी गेमझोनचीदेखील सोय करण्यात आली आहे. ग्राहकांसाठी सोडतीद्वारे विशेष      लकी-ड्रॉ काढण्यात येत असून विविध भेट वस्तू जिंकण्याची संधी ग्राहकांना उपलब्ध आहे.