फळबाग लागवडीत गैरव्यवहार!

धुळे : फळबाग लागवडीचे शिरपूर तालुक्यात 16 लाभार्थीना अनुदान वाटप करण्यात आले असून प्रत्यक्षात मात्र शेतात डाळिंबाचे एकही झाड लावलेले नाही़

धुळे : रोजगार हमी योजनेंतर्गत फळबाग लागवडीचे शिरपूर तालुक्यात 16 लाभार्थीना अनुदान वाटप करण्यात आले असून प्रत्यक्षात मात्र शेतात डाळिंबाचे एकही झाड लावलेले नाही़ तर काही 22 लाभार्थीकडे मंजूर रोपसंख्येपेक्षा कमी झाडे लावलेली असल्याचे तपासणीत समोर आल़े त्यामुळे यात लाखोंचा गैरव्यवहार झाल्याचे समोर आले आह़े त्यामुळे संबंधित कृषी विभागाच्या अधिका:यांवर शिस्तभंगाची कारवाई करावी, असा प्रस्ताव कृषी विभागाच्या आयुक्तांना पाठविला आला आहे, अशी माहिती सूत्रांनी दिली़

रोजगार हमी योजनेंतर्गत सन 2013-14 व 2015-16 मध्ये जिल्ह्यात लाभार्थीच्या क्षेत्रात फळबाग लागवड करण्यात आली़ लाभार्थीना अनुदानदेखील वाटप करण्यात आल़े त्यात शिरपूर तालुक्यात अनुदान वाटप करण्यात आले की नाही, तसेच झाडे लावण्यात आली आहेत का? याची चौकशी करण्याचे आदेश जिल्हाधिकारी अण्णासाहेब मिसाळ यांनी शिरपूरचे तहसीलदार नितीन पाटील यांना दिले.त्यानुसार त्यांनी लाभार्थीच्या शेतावर जाऊन पाहणी केली़ त्यात ही धक्कादायक माहिती समोर आली़ 16 लाभाथीर्ंना अनुदान वाटप करण्यात आले आह़े मात्र प्रत्यक्षात त्यांच्या क्षेत्रात एकही डाळिंबाचे झाड लावलेले दिसून आले नाही़ तर 22 लाभार्थीच्या क्षेत्रात मंजूर रोप संख्येपेक्षा कमी रोपे लावलेली आढळून आली. त्यामुळे या फळबाग लागवडीत लाखोंचा गैरव्यवहार झाल्याचे समोर आले आह़े

मागविले खुलासे

हा प्रकार समोर आल्यानंतर शिरपूर तालुक्याचे संबंधित तालुका कृषी अधिकारी, मंडळ कृषी अधिकारी व कृषी सहायक यांना नोटीस देऊन खुलासे मागविण्यात आले होत़े मात्र खुलासे समाधानकारक नव्हत़े

शिस्तभंगाच्या कारवाईचा प्रस्ताव

गैरव्यवहार समोर आल्याने जिल्हाधिकारी अण्णासाहेब मिसाळ यांनी शिरपूर तालुक्याचे संबंधित तालुका कृषी अधिकारी, मंडळ कृषी अधिकारी व कृषी सहायक यांच्यावर शिस्तभंगाची कारवाई करावी, असा प्रस्ताव कृषी विभागाच्या आयुक्तांना पाठविला आह़े

कृषी अधिका:यांचे दुर्लक्ष

लाभार्थीना डाळिंब झाडाचे अनुदान वाटप झाल्यानंतर लाभार्थीच्या क्षेत्रात झाडे लावलेली आहेत का? किती लावली आहेत? याची कृषी विभागाच्या अधिका:यांनी चौकशी करणे गरजेचे आह़े

मात्र त्यांनी दुर्लक्ष केल्याचे दिसून येत आह़े त्यामुळेच जिल्हाधिका:यांनी स्वत: याप्रकरणी लक्ष घातले आह़े

16 लाभार्थी पुढीलप्रमाण़े़़

4लाभार्थी व कंसात गाव- पंडित सोमा ठेलारी (अजनाड), केवळसिंग रूपसिंग राजपूत (वाडी), रजनीबाई युवराज कुमावत (रूदावली), जगन कालुसिंग पावरा (गधडदेव), कलाबाई मनोहर पाटील (उखडवाडी) भीमसिंग गोरख राजपूत, (लौकी), दाजीमल पांडय़ा पावरा (कोडीद) पंडित सोमा ठेलारी (अजनाड) कालुसिंग सीतू पावरा (वकवाड) सीताराम लाकडय़ा पावरा (ङोंडेअंजन) रूख्मीबाई भीमसिंग राजपूत (लौकी) राजेंद्र गोपाळ धोबी (सांगवी) काळू नवल भिल (तांडे), चंद्रसिंग सु:या पावरा (चाकडू), जगन कालूसिंग पावरा (गधडदेव), प्रताप आनंदा मराठे (भाटपुरा) या लाभार्थीना अनुदान देण्यात आले आह़े मात्र त्यांच्या क्षेत्रात झाडेच लावण्यात आलेली नाहीत़ दरम्यान यात दोन लाभार्थीच्या दोनदा नावे आहेत व मंजूर रोपांची संख्यादेखील वेगवेगळी आह़े

शिरपूर तालुक्यात रोहयोंतर्गत फळबाग लागवडीचे 18 लाभार्थीना अनुदान ेदेण्यात आले आह़े मात्र झाडेच लावण्यात आलेली नाहीत़ त्यामुळे कृषी विभागाच्या संबंधित अधिका:यांवर शिस्तभंगाची कारवाई करावी, असा प्रस्ताव कृषी विभागाच्या आयुक्तांना पाठविण्यात आला आह़े

- अण्णासाहेब मिसाळ

जिल्हाधिकारी