भुसावळ येथे जुन्या वादातून तरुणावर प्राणघातक हल्ला

न्यू एरिया वॉर्डातील रात्रीची घटना : तरुण गंभीर जखमी

ठळक मुद्देसोबत का राहतात याचा आला रागसोबत का राहतात याचा आला राग

भुसावळ, जि.जळगाव : शहरातील न्यू एरिया वॉर्डातील जुन्या भांडणाच्या वादावरुन मनोज भालचंद्र चौधरी यास बेदम मारहाण करीत जीवे ठार मारण्याचा प्रयत्न केल्याची घटना सोमवारी रात्री घडली. यामुळे परिसरात एकच खळबळ उडाली आहे.पोलीस सूत्रांनुसार, फिर्यादी मनोज भालचंद्र चौधरी (वय ३२) रा.न्यू एरिया वार्ड, पांडुरंग टॉकीजसमोर राहतो. मनोजचे काका व माजी नगरसेवक वासुदेव देवराम बोंडे हे एकाच गल्लीत राहत असल्याने ते सोबत राहतात. याचा राग प्रशांत मुुरलीधर बºहाटे, किशोर चिंधू तळेले, काशिनाथ रामा कोलते आदींना होता. ते सोमवारी रात्री ९.३० ते १० वाजेच्या सुमारास न्यू एरिया वॉर्डात अमोल फालक, चेतन शांताराम बावस्कर, मुकेश सरोदे व मनोज चौधरी आदी नवचैतन्य गणेश मंडळाजवळ बसलेले होते. त्यांच्याजवळ प्रशांत मुरलीधर बºहाटे, किशोर चिंधू तळेले, काशिनाथ रामा कोलते यांच्यासोबत आणखी दोन जण आले. त्यांच्याजवळ बियरच्या खाली बाटल्या होत्या. त्यांनी जवळ येत मनोज यास धमकविण्यास सुरुवात केली. त्यावेळी मनोज याने तुम्ही माझ्या काकांना का शिवीगाळ करीत आहात, असे विचारले असता त्यांनी मनोजच्या डोक्यावर बियरच्या बाटल्या मारल्या. यात मनोज रक्तबंबाळ झाल्याने जमिनीवर कोसळला. त्यावेळेला शुभम शांताराम शिंदे व गल्लीतील इतर लोकांनी येवून मनोज यास त्यांच्या तावडीतून सोडवत त्याला तत्काळ डॉ. उल्हास पाटील वैद्यकीय महाविद्यालय व रुग्णालयात उपचारार्थ हलविले.दरम्यान, मनोज याची प्रकृत गंभीर आहे. त्याचा जबाब नोंदवून बाजारपेठ पोलिसात प्रशांत मुरलीधर बºहाटे, किशोर चिंधू तळेले व काशिनाथ रामा कोलते व इतर दोघे अशांविरुद्ध भादंवि ३०७, १४३, १४७, ५०४, ५०६ (३४) प्रमाणे गुन्हा दाखल झाला आहे. तपास फौजदार अनीस शेख करीत आहेत.खासगी रुग्णालयात उपचारार्थ दाखल