लोकमत न्यूज नेटवर्क
जळगाव : जळगाव-भुसावळ महामार्गावरील दूरदर्शन टॉवरजवळ मालवाहतूक करणारी चारचाकी व गॅस टँकरची समोरासमोर जोरदार धडक झाल्याची घटना गुुरुवारी सकाळी ६ वाजता घडली. या अपघातात आयशरचालक जखमी झाला असून, दोन्ही वाहनांच्या पुढील भागाचा चुराडा झाला होता. गोरख गोविंदा पाटील (२५, रा. रतनपुरा बोरकून, जि.धुळे) असे जखमी चालकाचे नाव आहे. याप्रकरणी एमआयडीसी पोलीस ठाण्यात अपघाताची नोंद घेण्यात आली आहे.
धुळ्यातील मालवाहतूक करणारा ट्रक (क्र. एमएच.१८.बीएच ५३५५) नागपूरहून मालेगावकडे कापडाचे सूत घेऊन निघाला होता. गुरुवारी सकाळी ६ वाजेच्या सुमारास हा ट्रक जळगाव-भुसावळ महामार्गावरील दूरदर्शन टॉवरजवळून जात असताना समोरून भरधाव वेगाने येणाऱ्या गॅस टँकरने आयशरला जोरदार धडक दिली. एमआयडीसी पोलीस ठाण्याचे पोलीस कर्मचारी गणेश शिरसाळे आणि चंद्रकांत पाटील यांनी घटनास्थळी जाऊन अपघाताचा पंचनामा केला. याप्रकरणी एमआयडीसी पोलीस ठाण्यात अपघाताची नोंद घेण्याचे आली आहे.