रवींद्र चौधरी, दोंडाईचा कृषी उत्पन्न बाजार समिती आता लखपती नाही तर थेट अब्जाधीश झाली आहे. गेल्या आर्थिक वर्षात शेतीमाल खरेदी-विक्रीपोटी या बाजार समितीत एक अब्ज दोन कोटी ८१ लाख ५७ हजार ८२५ रुपयांची प्रचंड उलाढाल झाली आहे. समितीला त्यातून एक कोटी दोन लाख ८१ हजाराचे निव्वळ उत्पन्न मिळाले आहे. वर्षभरात शेतमालाची पाच लाख ४५ हजार ९८ क्विंटल एवढी आवक झाली. बाजार समितीत गेल्या आर्थिक वर्षभरात भुईमूग शेंगा, मिरची, गहू, बाजरी, ज्वारी, दादर, मठ, मूग, उडीद, तूर, हरभरा, मका, तीळ, कुळीथ, चवळी या मालाची आवक झाली. भुईमूग शेंगाची ३३ हजार ३७९ क्विंटल आवक झाली. त्यातून १३ कोटी नऊ लाख ९१ हजार ११० रुपयांची उलाढाल झाली. सरासरी दर तीन हजार ९२४ रु.राहिला. मिरचीची १६ हजार ३३५ क्विंटल आवक झाली असून दोन कोटी ९३ लाख ४६ हजार ५३ रु.ची उलाढाल झाली. सरासरी प्रतिक्विंटलचा दर १७९६ एवढा मिळाला. गव्हाची ३४ कोटी ९० लाख ९२ हजाराची उलाढाल झाली. दोन लाख १५ हगार ६०५ क्विंटल गव्हाची आवक झाली. सरासरी दर १६१९ रु. मिळाला. बाजरीची आवक नऊ हजार ९६ क्विंटल झाली. त्यापोटी एक कोटी १९ हजार ४७९ रुपयांची उलाढाल झाली. सरासरी दर प्रतिक्विंटल १३१५ रुपये असा होता.ज्वारीची आवक २९ हजार ४०८ क्विंटल झाली. त्यातून तीन कोटी २५ लाख १८ हजार ३२४ रुपयांची उलाढाल झाली. दर सरासरी प्रतिक्विंटल ११०६ रुपये मिळाला. दादरची आवक १० हजार २६७ क्विंटल झाली. त्यातून एक कोटी ८२ लाख ६१ हजार ३६७ रुपयांची उलाढाल झाली. सरासरी दर प्रतिक्विंटल १७७९ रुपये मिळाला. मठाची आवक तीन हजार ७५१ क्विंटल एवढी होऊन दोन कोटी १३ लाख १० हजार ६६७ रु.ची उलाढाल झाली. सरासरी दर ५६९४ रु. मिळाला. मुगाची पाच हजार ५१४ क्विंटल आवक होऊन दोन कोटी ५८ लाख ३१ हजार ८४२ रु.ची उलाढाल झाली. सरासरी दर ४८६६ रु.मिळाला. उडदाची आवक ११७ क्विंटल झाली. त्यातून तीन लाख ८५ हजार २९ रु.ची उलाढाल झाली. सरासरी दर ३२९१ रु. मिळाला. तुरीची चार हजार ६०६ क्विंटल आवक झाली. एक कोटी ७० लाख ५५ हजार ४२४ रुपयांची उलाढाल झाली. सरासरी दर ३७०३ रु.मिळाला. हरभर्‍याची ३१ हजार २१३ क्विंटल आवक झाली. तर उलाढाल १६ कोटी ६३ लाख २३ हजार ३८० रु.ची झाली. सरासरी दर ३७२७ रुपये मिळाला. मक्याची एक लाख ८५ हजार ७७१ क्विंटल आवक झाली. तर उलाढाल २२ कोटी ४९ लाख चार हजार ९७१ झाली. सरासरी दर १२१० रुपये मिळाला. तिळाची पाच क्विंटल आवक होऊन उलाढाल ५६ हजार ९०० रुपये झाली. सरासरी दर ११ हजार ३८० रूपये मिळाला. कुळथाची आवक चार क्विंटल होऊन उलाढाल आठ हजार ४०२ रु.ची झाली. सरासरी दर २१०० रुपये मिळाला. चवळीची दोन क्विंटल आवक झाली. तर नऊ हजार ३०० रु.ची उलाढाल झाली. सरासरी दर ४६५० मिळाला. मैलाचा दगड समितीने २०१३-१४ या आर्थिक वर्षात पहिल्यांदाच १०० कोटी अर्थात एक अब्ज रुपयांच्या उलाढालीचा ‘मैलाचा दगड’ ओलांडला. तत्पूर्वी २०११-१२ मध्ये समितीची एकूण उलाढाल ५७ कोटी ७३ लाख १२ हजार ६३६ एवढी होती. त्यानंतरच्या २०१२-१३ या वर्षात समितीने आणखी पुढचा पल्ला गाठला. त्या वर्षात एकूण उलाढालीचा आकडा ९४ कोटी १९ लाख ४१ हजार ११९ वर पोहचला.
दोंडाईचा बाजार समिती अब्जाधीश!
By admin | Updated: May 13, 2014 00:04 IST