जळगाव :राज्यासह जिल्ह्यात कोरोना विषाणूने थैमान घातले आहे़ दिवसेंदिवस जिल्ह्यात कोरोना बांधितांची संख्या ही वाढत चालली आहे़ बुधवारी पुन्हा एका दिवसात तब्बल ११४ जणांचे अहवाल पॉझिटिव्ह आले आहेत़पॉझिटिव्ह आढळलेल्या व्यक्तींमध्ये जळगाव शहरातील ०९, भुसावळ १६, अमळनेर ३९, धरणगाव ०३, यावल ०५, एरंडोल ०५ तसेच जामनेर ११, जळगाव ग्रामीण ०४, पारोळा २१, बोदवड ०१ रुग्णाचा समावेश आहे. जिल्ह्यात आतापर्यंत कोरोना बाधित रूग्णांची संख्या १३९५ इतकी झाली आहे, अशी माहिती जिल्हा प्रशासनाच्यावतीने देण्यात आली आहे.