भुसावळ : कृषी विभागातर्फे २१ जून ते १ जुलैपर्यंत कृषी संजीवनी सप्ताह आयोजित केला आहे. अंजनसोडे ता. भुसावळ येथील प्रगतशिल शेतकरी सुरेश बळीराम चौधरी यांच्या शेतात बीबीआयई (रुंद ओरंबा व सरी) यंत्राच्या सहाय्याने २३ एकर क्षेत्रावर सोयाबीन पेरणी करून सप्ताहाची सुरुवात करण्यात आली.
तालुका कृषी अधिकारी रमण जाधव यांनी बहुउपयोगी बीबीएफ तंत्रज्ञानाद्वारे पेरणीचे फायदे व त्याचे उपयोग यांची माहिती शेतीशाळेतून गावातील शेतकऱ्यांना करून दिली. यावेळी गावातील प्रगतशिल शेतकरी व स्थानिक पदाधिकारी आणि कृषी विभागाचे अधिकारी उपस्थित होते.
१ जुलै रोजी हरीत क्रांतीचे प्रणेते वसंतराव नाईक यांच्या जयंतीनिमित्त कृषिदिनाचे आयोजन करण्यात येणार असून, कृषी संजीवनी सप्ताहाचा समारोप होईल.