जळगाव : तालुक्यातील विदगाव येथून १६ वर्षीय मुलीला पळवून नेण्याचा प्रकार सोमवारी दुपारी साडे तीन वाजता घडला. याप्रकरणी मंगळवारी तालुका पोलिसात अपहरणाचा गुन्हा दाखल झाला आहे. तपास हवालदार संजय चौधरी करीत आहेत.
गणेशपुरीत महिलेला मारहाण
जळगाव : नातेवाईक समोरच्याच्या ओट्यावर बसल्याच्या कारणावरुन अनिता किरण सपकाळे (२२) या महिलेला शोभाबाई रमेश सपकाळे, तिची मुलगी व नात या तिघांनी मारहाण केल्याची घटना सोमवारी दुपारी गणेशपुरीत घडली. याप्रकरणी तिघांविरुध्द मंगळवारी एमआयडीसी पोलीस ठाण्यात गुन्हा दाखल करण्यात आला आहे. शोभाबाई हिने अनिता हिच्या पतीविषयी देखील वाईट शब्द वापरला होता. तपास प्रदीप पाटील करीत आहेत.
अल्पवयीन मुलावर शस्त्राने वार
जळगाव : खोटे नगर परिसरातील हॉटेल राधिका समोर रोहन शालीक बाविस्कर (१७,रा.तुकारामवाडी) याच्यावर पियुष मुकुंदा ठाकूर व हर्षल गजानन ठाकूर या दोघांनी धारदार शस्त्राने वार केला.हातावर तसेच कमरेत वार झाल्याने हा तरुण जखमी झाला आहे. मागील भांडणाच्या कारणावरुन ही घटना घडली. याप्रकरणी मंगळवारी तालुका पोलीस ठाण्यात गुन्हा दाखल झाला आहे.
राजाराम नगरातील वृध्दाचा मृत्यू
जळगाव : राजाराम नगरातील मधुकर उर्फ प्रेमराज वना शिंदे (५७) यांचा जिल्हा रुग्णालयात मृत्यू झाला आहे. सोमवारी नातेवाईकांनी त्यांना रुग्णालयात दाखल केले असता वैद्यकिय अधिकाऱ्यांनी त्यांना मृत घोषीत केले. याप्रकरणी मंगळवारी तालुका पोलिसात अकस्मात मृत्यूची नोंद करण्यात आली आहे. तपास सहायक फौजदार लालसिंग पाटील करीत आहेत.
अनोळखी वृध्दाचा मृत्यू
जळगाव : जैन इरिगेशनच्या वैद्यकिय कर्मचाऱ्यांनी जिल्हा रुग्णालयात दाखल केलेल्या अनोळखी ६५ वर्षीय वृध्दाचा मृत्यू झाला आहे. याप्रकरणी धरणगाव पोलिसात अकस्मात मृत्यूची नोंद करण्यात आली आहे. ४ मार्च रोजी त्यांना दाखल करण्यात आले होते.तपास हवालदार नसीन तडवी करीत आहेत.