पाण्यात ५ लाख लीटरने वाढ

तापी पाणीपुरवठा योजनेच्या बाभळे येथील पंपिंग स्टेशनवर आणखी एक पंप अधिकचा सुरू करण्यात आल्याने तासाला पाच लाख लीटरने पाण्यात वाढ झाली आहे.

धुळे : तापी पाणीपुरवठा योजनेच्या बाभळे येथील पंपिंग स्टेशनवर आणखी एक पंप अधिकचा सुरू करण्यात आल्याने तासाला पाच लाख लीटरने पाण्यात वाढ झाली आहे. त्यामळे कृत्रिम पाणीटंचाईने बेहाल झालेल्या धुळेकर नागरिकांना काहीअंशी का होईना दिलासा मिळाला आहे. 

शहरातील ६0 टक्के भागाला तापी योजनेतून पाणीपुरवठा केला जातो. यासाठी बाभळे येथे पंपिंगस्टेशन उभारण्यात आले आहे. तेथून शहरापर्यंत ४२ किलोमीटरची पाइप लाइन टाकून पाणी आणण्यात आलेआहे. या पंपिंग स्टेशनवर तीनच पंप सुरू होते. त्यामुळे पुरेसा पाणीपुरवठा करण्यास अडचणी निर्माण झाल्या होत्या. महाराष्ट्र जीवन प्राधिकरणाच्या सल्ल्यानुसार या पंपिंग स्टेशनवर गेल्या आठवड्यात पुन्हा एक पंप सुरू करण्यात आलाआहे. यासाठी अधिकार्‍यांनी पंपाची चाचणी केली. ती यशस्वी झाल्याने हा पंप सुरू करण्यात आला. या पंपातून तासाला पाच लाख लीटर अधिकचे पाणी मिळत आहे. 

पाणीपातळीत वाढ

बाभळे पंपिंग स्टेशनवरून रोज ४0 ते ४४ लाख लीटर पाणी उचलले जात आहे. तीन पंप सुरू असताना एमबीआर जलकुंभाची पाणीपातळी काही वेळात खाली येत होती. त्यामुळे पाणीपुरवठा करण्यास अडचणी येत होत्या. आता एक पंप अधिकचा सुरू झाल्याने 'एमबीआर' जलकुंभावरून देवपूरचा एक व्हॉल्व्ह सोडला तरी मायक्रो, बडगुजर, मालेगाव जलकुंभांनाही पाणीपुरवठा करण्यास मदत झाली आहे. 

गेल्याआठवड्यापासून हा पाणीपुरवठा होत आहे. परंतु अद्याप जलवाहिनीला कुठेच गळती लागली नसल्याचे पाणीपुरवठा विभागाच्या सूत्रांनी सांगितले. खंडित होणार्‍या वीजपुरवठय़ाचा फटका

तापी योजनेसाठी मनपाला महिन्याला किमान ५२ लाखांपर्यंत वीज बिल येते. चौथा पंप सुरू करण्यात आल्याने त्यात पुन्हा १0 ते १२ लाखांच्या बिलाची वाढ होणारआहे. परंतु अनेकदा येथील वीजपुरवठा खंडित होत असतो. त्यामुळे पाणीपुरवठा सुरळीत करण्यासाठी अडचणी येतात. पांझरा नदीच्या काठावरील गावांना पाणीटंचाई जाणवू नये म्हणून अक्कलपाडा मध्यम सिंचन प्रकल्पातील पाणीसाठा सोडण्यातआलाआहे. त्यामुळे पांझरा प्रवाहित झाली आहे. या नदीत हनुमान टेकडी जलशुद्धीकरण केंद्राजवळ मनपाने गेल्याच वर्षी एक बंधारा बांधला होता. त्यात २0 ते २५ एमसीएफटी पाण्याचा साठा होतो. नदीत पाणी सोडण्यात आल्याने या बंधार्‍यात पाणीसाठा होतआहे. त्यामुळे मनपाने नकाणे तलावातील पाणी घेणे तूर्त बंद केले आहे. या पाण्यामुळे किमान २0 ते २५ दिवस पांझरेतून पाणीपुरवठा केला जाणार आहे. पावसाळा लांबल्यास या पाण्याचा भविष्यात वापर करता येणारआहे.