आज काँग्रेसचे कार्यकर्ता प्रशिक्षण शिबीर

बगडिया हॉटेलमध्ये गुरुवारी जिल्हा काँग्रेस कमिटीतर्फे एक दिवसीय कार्यकर्ता प्रशिक्षण शिबीर आयोजित करण्यात आले आहे.

जालना : येथील बगडिया हॉटेलमध्ये गुरुवारी जिल्हा काँग्रेस कमिटीतर्फे एक दिवसीय कार्यकर्ता प्रशिक्षण शिबीर आयोजित करण्यात आले आहे.शिबिरात राज्य प्रभारी मोहन प्रकाश, प्रदेशाध्यक्ष खा. अशोक चव्हाण, माजी मुख्यमंत्री पृथ्वीराज चव्हाण, विरोधी पक्षनेते राधाकृष्ण विखे पाटील, माजी मंत्री हर्षवर्धन पाटील, नाना पटोले, खा. राजीव सातव, माजी मंत्री नसीम खान यांच्यासह सर्व आघाड्यांचे प्रदेशाध्यक्ष उपस्थित राहणार आहेत. या शिबिरात पक्षाचे आजी- माजी आमदार, खासदार, माजी मंत्री, पक्षाचे प्रदेश, विभाग, जिल्हा, तालुका आणि शहर पातळीवरील सर्व आघाड्यांचे आजी - माजी पदाधिकारी तसेच पक्षाचे आजी- माजी नगरसेवक, जि. प. व पं. स. सदस्य, सरपंच, उपसरपंच, ग्रामपंचायत सदस्य आणि कार्यकर्त्यांनी उपस्थित राहावे, असे आवाहन जिल्हाध्यक्ष माजी आ. सुरेशकुमार जेथलिया, माजी आ. कैलास गोरंट्याल यांच्यासह जिल्हा कार्यकारिणी व पदाधिका-यांनी केले आहे.तत्पूर्वी सकाळी आठ वाजता जिल्ह्याच्या विविध भागांत गारपिटीने नुकसान झालेल्या भागाची राज्य प्रभारी मोहन प्रकाश, प्रदेशाध्यक्ष खा. अशोक चव्हाण, माजी मुख्यमंत्री पृथ्वीराज चव्हाण, विरोधी पक्ष नेते राधाकृष्ण विखे पाटील, माजी मंत्री हर्षवर्धन पाटील, नाना पटोले, खा. राजीव सातव, माजी मंत्री नसीम खान हे पाहणी करणार आहेत.