शहागडला एक कोटीचा गुटखा पकडला

बीडहून जालन्याकडे जाणाऱ्या कंटेनरमधून पोलिसांनी सुमारे एक कोटी रुपये किमतीचा गुटखा जप्त केला.

जालना : बीडहून जालन्याकडे जाणाऱ्या कंटेनरमधून पोलिसांनी सुमारे एक कोटी रुपये किमतीचा गुटखा जप्त केला. शहागड -अंकुश नगर दरम्यान सोमवारी सायंकाळी ही कारवाई केली. गुटख्याने भरलेला कंटेनर गोंदी पोलीस ठाणे परिसरात लावण्यात आला आहे.याबाबत गोंदी ठाणे अंमलदार मोगरे व गाढवे यांच्याशी संपर्क साधला असता कंटेनरमध्ये एक कोटीच्या पुढेच गुटखा आहे.अजून गुन्हा दाखल करण्यात आला नाही, याबाबत अन्न व औषध प्रशासनाला कळवले आहे. उद्या सकाळी अन्न व औषध प्रशासन व पोलीस प्रशासनाकडून संयुक्त कारवाई करण्यात येईल, असे ठाणे अंमलदार मोगरे व गाढवेंनी लोकमतशी बोलताना सांगितले.