जालना : शहरातील एका ट्रान्सपोर्टसमोर उभा असलेला ट्रक वेडसर व्यक्तीने जालना -औरंगाबाद या महामार्गावर पळविल्याने खळबळ उडाली. ही घटना शुक्रवारी पहाटे साडेपाच वाजेच्या सुमारास घडली. दोन तासांनंतर पोलिसांनी नागेवाडी येथून या वेडसर व्यक्तीला ट्रकसह ताब्यात घेतले. दरम्यान, पोलिसांच्या सर्तकतेमुळे मोठा अनर्थ टळला.
१८ टायरचा ट्रक चोरी झाल्याची तक्रार कोहिनूर ट्रान्सपोर्टच्या मालकांनी फोनवर केली. कदिम पोलिसांनी तात्काळ सर्व पोलीस ठाण्यांना वायलेसवर माहिती देऊन शोध घेण्याचा सूचना केल्या. चंदनझिरा पोलिसांना औरंगाबाद रोडवर पेट्रोलिंग करीत असतांना एक इसम भरधाव वेगाने वेडी-वाकडी वळण घेत ट्रक चालवत औरंगाबादच्या दिशेने गेल्याची माहिती मिळाली. नागेवाडी इंजिनिरीग कॉलेजजवळ तो ट्रक रोडच्या बाजूला फसलेला पोलिसांना दिसून आला. सदर इसम तो काढण्यासाठी जोराने रेस करताना आढळल्यानंतर पोलिसांनी त्याला ताब्यात घेतले. त्याच्या नातेवाईकांशी संपर्क साधल्यानंतर तो वेडसर असल्याचे त्यांनी सांगितले. या घटनेत पोलिसांनी दाखविलेल्या सतर्कतेमुळे मोठा अनर्थ टळला.
टोलनाक्यावर हुज्जतसदर व्यक्ती ही ट्रक घेऊन औरंगाबादकडे जात होती. चंदनझिरा परिसरातील टोल नाक्यावरील कर्मचाऱ्यांनी टोल फाडण्याचे सांगितल, परंतु, त्या व्यक्तीकडे पैसे नसल्याने त्यांनी टोल नाक्यावरील कर्मचाऱ्यांशी तासभर हुज्जत घातली.