मतदान केंद्राची पोलीस अधीक्षकांकडून पाहणी

अंबड तालुक्यातील महाकाळा येथील संवेदनशील मतदान केंद्राला पोलीस अधीक्षक एस. चैतन्य यांनी भेट दिली.

लोकमत न्यूज नेटवर्कअंकुशनगर : अंबड तालुक्यातील महाकाळा येथील संवेदनशील मतदान केंद्राला पोलीस अधीक्षक एस. चैतन्य यांनी भेट दिली.परभणी मतदार संघात १८ एप्रिल रोजी मतदान होणार आहे. या मतदारसंघात घनसावंगी तालुक्यातील १८३, अंबड तालुक्यातील ९७ तर जालना तालुक्यातील ५९ मतदान केंदे्र येतात. दरम्यान, पोलीस अधीक्षक एस. चैतन्य यांनी नुकतीच अंबड तालुक्यातील महाकाळा येथील मतदान केंद्राची पाहणी केली. याप्रसंगी पोलीस अधीक्षकांनी अधिकाऱ्यांना काही सूचना केल्या. याप्रसंगी पोलीस अधीक्षक एस. चैतन्य, सी. डी. शेवगण, पोलीस निरीक्षक शिवानंद देवकर, सपोउनि. हनुमंत वारे आदींची उपस्थिती होती. तीर्थपुरी येथेही त्यांनी पाहणी केल्याचे सांगण्यात आले.