पाकिस्तानात ४ दिवस वर्किंग, बांगलादेशात सं. ७ नंतर मॉल बंद; तेल संकटात शेजारील देशांनी काय केले?

या संकटाचा सामना करण्यासाठी भारत, पाकिस्तानसह श्रीलंका मालदीवसारख्या अनेक देशांनी वेगवेगळी पावले उचलली.

अमेरिका इस्रायल यांच्या हल्ल्यानंतर इराणनं स्ट्रेट होर्मुझमधील वाहतूक रोखली. ज्यामुळे जागतिक तेल आणि गॅस संकट उभे राहिले. इराणनं दिलेल्या धमकीमुळे अनेक जहाजे पार्शियन आणि ओमानच्या समुद्रात अडकून राहिली. इराणनं काही निवडक देशांच्या जहाजांना होर्मुझमधून प्रवास करण्यावर सूट दिली. मात्र तरीही आशियातील अनेक देशांमध्ये तेलाचा मोठा तुटवडा जाणवू लागला. होर्मुझ सामुद्रधुनीतून जगातील २० टक्के तेलाची वाहतूक होते. युद्धामुळे तेल पुरवठा कमी झाला आणि तेलाच्या किंमतीही वाढल्या. या संकटाचा सामना करण्यासाठी भारत, पाकिस्तानसह श्रीलंका मालदीवसारख्या अनेक देशांनी वेगवेगळी पावले उचलली.

भारताने काय घेतले निर्णय?

सरकारने पेट्रोल डिझेलवरील उत्पादन शुल्कात कपात केली

विमान इंधन आणि डिझेल निर्यातीवर अनपेक्षित नफ्यावर कर लावला

प्राधान्य नसलेल्या क्षेत्रांकडून प्रमुख वापरकर्त्यांकडे गॅस पुरवठा वळवण्यासाठी आपत्कालीन उपाययोजना लागू केल्या.

तेल शुद्धीकरण कंपन्यांना एलपीजी उत्पादन वाढवण्याचे निर्देश दिले.

पाकिस्तानने काय केले?

सरकारी विभागांमध्ये इंधन भत्त्यात २ महिने ५० टक्के कपात करण्याचा निर्णय

सरकारी कार्यालयांमध्ये कामाचे दिवस आठवड्याला ६ ऐवजी ४ करण्यात आले

सर्व कार्यालयांमध्ये ५० टक्के कर्मचाऱ्यांची उपस्थिती

फ्रँचायझी-आधारित टी२० क्रिकेट लीग, पाकिस्तान सुपर लीग, बंद दाराआड खेळवली जाईल.

बांगलादेशात काय घडलं?

कार्यालय, बँका ७ तासांसाठीच खुल्या ठेवल्या. शॉपिंग मॉल संध्याकाळी ७ नंतर बंद केले गेले

कार्यालयांमधील वीज वापर कमी करण्यात आला, ज्यातून वीजबचत करण्यात आली.

सरकारी कार्यालयांमध्ये इंधन आणि ऊर्जेचा वापर कमी करण्यासाठी अनावश्यक दौऱ्यांवर निर्बंध 

नेपाळ सरकारने उचलली कठोर पावले

शाळा, सरकारी कार्यालयांमध्ये १ दिवसाची सुट्टी वाढवून आठवड्याला २ दिवस करण्यात आली. 

सरकारने पेट्रोल, डिझेलऐवजी इलेक्ट्रिक वाहने वापरण्यासाठी कायदेशीर व्यवस्था बनवली

तेल पुरवठा सुरळीत करण्यासाठी विमान इंधनाची किंमत दुप्पटीहून अधिक केली

पेट्रोल, डिझेलच्या किंमती वाढवल्या. घरगुती गॅससाठी रेशनिंग पद्धत सुरू केली.

श्रीलंकेने कोणती पावले उचलली?

पैशाचा पुरवठा वाढवण्यासाठी बुधवारी सार्वजनिक सुट्टी जाहीर करण्यात आली.

रेल्वे आणि बस सेवा कमी करण्यात आल्या.

घरगुती आणि उद्योगांसाठी विजेचे दर वाढवण्यात आले.

मालदीवनेही तेलाच्या किमती वाढवल्या.

भारताकडून इंधनाचा पुरवठा मिळवण्याचा प्रयत्न

पुरवठा कायम ठेवण्यासाठी इंधनाच्या किमती वाढवण्यात आल्या.