रशिया आणि युक्रेनमधील तीन वर्षांच्या युद्धात पहिल्यांदाच दोन्ही देशांच्या प्रतिनिधींमध्ये शांतता चर्चा झाली. ही चर्चा दोन तासांपेक्षा कमी वेळात संपली. दोन्ही देशांमध्ये युद्धबंदीबाबत कोणताही करार होऊ शकला नाही. दरम्यान, रशिया आणि युक्रेनमध्ये तणाव वाढला आहे. तुर्कीमध्ये शांतता चर्चेच्या एक दिवसानंतरच रशियाने युक्रेनमध्ये अनेक ठिकाणी हल्ले केले.मिळालेल्या माहितीनुसार, रशियन सैन्याने युक्रेनियन लष्करी छावणीला लक्ष्य केले.
या हल्ल्यात किती नुकसान झाले याची माहिती समोर आलेली नाही. यावेळी रशियाने एका प्रवासी बसवर ड्रोन हल्ला केला. बस स्फोटात किमान ९ जणांचा मृत्यू झाल्याचे वृत्त आहे.
Video: केदारनाथ धामला जाताना हेलिकॉप्टर क्रॅश; दैव बलवत्तर म्हणून वाचले
युक्रेनने म्हटले की, चर्चेसाठी किमान तात्पुरता युद्धबंदी आवश्यक आहे. रशियाने त्यांच्या अटी मान्य केल्या नाहीत. दरम्यान, रशियाच्या वतीने चर्चेत सहभागी झालेले व्लादिमीर मेडिन्स्की म्हणाले की, ते चर्चेने समाधानी आहेत. युक्रेनचे अध्यक्ष झेलेन्स्की यांनी अमेरिकेचे अध्यक्ष ट्रम्प, फ्रान्स, जर्मनी, ब्रिटन आणि पोलंड यांना आवाहन केले आहे. जर मॉस्कोने बिनशर्त युद्धबंदी मान्य केली नाही तर त्यांच्यावर कठोर निर्बंध लादावेत.
१००० कैद्यांच्या सुटकेबाबत करार
या चर्चेत दोन्ही देशांमध्ये १००० कैद्यांच्या सुटकेबाबत एक करार झाला. रशियन प्रतिनिधीने सांगितले की, दोन्ही देशांमध्ये युद्धबंदी प्रस्ताव सादर करण्यासाठी एक करार झाला आहे. युक्रेनचे म्हणणे आहे की ते युद्धबंदीवर अजिबात समाधानी नाहीत. या मुद्द्यावर रशियाने कोणताही सकारात्मक प्रतिसाद दिलेला नाही. रशियाने अशा अटी ठेवल्या आहेत ज्या स्वीकारता येणार नाहीत. रशियाला युक्रेनने देशाच्या मोठ्या भागातून आपले सैन्य मागे घ्यावे अशी इच्छा आहे.