इसिसच्या अड्ड्यांवर रशियाचे हवाई हल्ले

सीरियात इसिसच्या ठिकाणांना लक्ष्य करीत रविवारी रशियाने हवाई हल्ले केले. यात दोन मुलांसह तिघांचा मृत्यू झाला. स्थानिक नागरिकाने पोस्ट केलेल्या

बैरूत : सीरियात इसिसच्या ठिकाणांना लक्ष्य करीत रविवारी रशियाने हवाई हल्ले केले. यात दोन मुलांसह तिघांचा मृत्यू झाला.स्थानिक नागरिकाने पोस्ट केलेल्या एका व्हिडिओत स्पष्टपणे दिसत आहे की, या हल्ल्यानंतर नागरिकांची पळापळ सुरू आहे. या हल्ल्यात १५ जण जखमी झाल्याचा दावा सीरियातील एका स्थानिक व्यक्तीने केला आहे. रशियाने रविवारी एकूण दहा हल्ले केल्याचे वृत्त आहे. रशियाच्या संरक्षण मंत्रालयाने सांगितले की, इसिसच्या प्रशिक्षण केंद्राला टार्गेट करण्यात आले. हे प्रशिक्षण केंद्र उद्ध्वस्त करण्यात आम्ही यशस्वी झालो. या हल्ल्यात मोठे नुकसान झाले आहे. (वृत्तसंस्था)