अमेरिकेतील लॉस एंजेलिस शहरात गेल्या काही दिवसांपासून डोनाल्ड ट्रम्प यांच्याविरोधात निदर्शने सुरू आहेत. बेकायदेशीर स्थलांतर रोखण्यासाठी अमेरिकन अधिकाऱ्यांनी शहरात छापे टाकले, यामध्ये अनेकांना अटक करण्यात आली. अमेरिकेच्या कॅलिफोर्निया राज्यात असलेल्या लॉस एंजेलिसची लोकसंख्या अत्यंत वैविध्यपूर्ण आहे.
लॉस एंजेलिस हा अमेरिकेतील सर्वात श्रीमंत आणि सर्वात शक्तिशाली लोकांचे ठिकाण मानले जाते. या शहरातील ५६ टक्के लोक इंग्रजी तसेच स्पॅनिश बोलतात.
पाकिस्तानी पत्रकारांनी शाहबाज सरकारला दाखवली जागा, भर पत्रकार परिषदेत केला अर्थमंत्र्यांचा अपमान!
शुक्रवारी लॉस एंजेलिसमधील इमिग्रेशन आणि कस्टम्स अंमलबजावणी अधिकाऱ्यांनी लॅटिनो लोकवस्ती असलेल्या भागात छापे टाकले. यावेळी त्यांनी बेकायदेशीर स्थलांतरित आणि टोळी सदस्य असल्याचा आरोप असलेल्या अनेक लोकांना अटक केली. यावेळी मोठा गोंधळ सुरू झाला.
यानंतर, शहरातील लोक संतप्त झाले. त्यांनी अधिकाऱ्यांविरुद्ध घोषणाबाजी करण्यास सुरुवात केली. त्यानंतर, एजन्सीने या निषेधावर नियंत्रण मिळविण्यासाठी अश्रुधुराच्या नळकांड्या फोडून गर्दी पांगवण्याचा प्रयत्न केला.
पाच दिवसांपासून निदर्शने सुरू
एजन्सीच्या या कारवाईमुळे जमावाचा राग आणखी वाढला. ट्रम्प प्रशासनाने ७०० मरीन आणि ४००० हून अधिक नॅशनल गार्ड सैनिक तैनात केले आहेत. पण अजूनही निदर्शने थांबलेले नाहीत.
लॉस एंजेलिसमधील अर्ध्याहून अधिक नागरिक परदेशी वंशाचे आहेत. यापैकी १.८९ मिलियन स्वतःला लॅटिन म्हणून ओळखतात, तर ०.५ मिलियन आशियाई, हवाईयन आणि पॅसिफिक आयलंडर आहेत.