Imran Khan Pakistan Updates: पाकिस्तानचे माजी पंतप्रधान इम्रान खान बऱ्याच काळापासून तुरुंगात आहेत. काही महिन्यांपूर्वी त्यांच्यावर तुरुंगात पोलिसांकडून अत्याचार करण्यात आल्याच्या चर्चा सुरू झाल्या होत्या. त्यावर पाकिस्तान सरकारने कोणतेही स्पष्टीकरण दिले नव्हते. पण गेल्या दोन-तीन दिवसांपासून इम्रान खान यांच्या प्रकृतीबाबत प्रचंड चर्चा रंगल्या आहेत. काहींच्या मते त्यांची प्रकृती खालावली आहे, तर काहींनी इम्रान यांच्या निधनाचाही दावा केला आहे. यादरम्यान आता त्यांच्या शेवटच्या पोस्टबाबत चर्चा रंगली आहे.
पाकिस्तानचे माजी पंतप्रधान इम्रान खान यांच्या तुरुंगात मृत्यूच्या अफवांमुळे त्यांच्या कुटुंबीयांमध्ये आणि समर्थकांमध्ये चिंता वाढत आहे. रावळपिंडीच्या आदियाला तुरुंगात त्यांच्या मृत्यूच्या अफवांमुळे पाकिस्तान आणि जगभरात खळबळ उडाली होती. यादरम्यान, २४ दिवसांपूर्वी लिहिलेली त्यांची शेवटची पोस्ट सध्या चर्चेत आहे, ज्यामध्ये त्यांनी पाकिस्तानी लष्करप्रमुख असीम मुनीरवर तीव्र हल्ला चढवला होता. ४ नोव्हेंबरला इम्रान खान यांच्या अधिकृत एक्स हँडलवरून एक पोस्ट करण्यात आली होती.
असीम मुनीरसाठी पोस्टमध्ये काय होते?
इम्रान यांच्या अकाउंटवरून एका पोस्टमध्ये लिहिले होते, "असिम मुनीर हा पाकिस्तानच्या इतिहासातील सर्वात क्रूर हुकूमशहा आणि मानसिकदृष्ट्या अस्थिर व्यक्ती आहे. त्याचे राज्य क्रूरतेच्या सर्वोच्च पातळीवर पोहोचले आहे... सत्तेसाठी मुनीर काहीही करेल. मुनीरने मला आणि माझ्या पत्नीला त्रास देण्यासाठी सर्वतोपरी प्रयत्न केले."
मृत्यूची अफवा का पसरली?
या पोस्टनंतर, इम्रान खान यांचे कोणतेही नवीन फोटो किंवा व्हिडिओ समोर आलेले नाहीत आणि ते सार्वजनिक ठिकाणीही दिसले नाहीत. यामुळे त्यांच्या आरोग्या आणि सुरक्षिततेबद्दल अटकळांना उधाण आले आहे. त्यांचा मुलगा कासिम खान याने आरोप केला आहे की कुटुंबाला त्यांना बऱ्याच काळापासून भेटू दिले जात नाही, ज्यामुळे त्यांना त्यांच्या जीविताचा पुरावा मागावा लागत आहे.
कासिम म्हणाला की त्याच्या वडिलांना शून्य पारदर्शकतेसह मृत्युदंड कक्षात ठेवण्यात आले आहे, त्यांना केवळ भेटीच नाही तर कुटुंबाला फोन कॉल करण्यास किंवा इम्रानने स्वाक्षरी केलेल्या नोट्सनाही नकार देण्यात आला आहे. पोलिसांनी इम्रानवर हल्ला झाल्याच्या अफवांचेही खंडन केले आहे, ज्यामुळे त्याच्या खऱ्या स्थितीबद्दल आणखी प्रश्न निर्माण झाले आहेत.
इम्रान खान यांची प्रकृती उत्तम
पाकिस्तानचे माजी पंतप्रधान इम्रान खान यांना आदियाला तुरुंगात पुरवल्या जाणाऱ्या परिस्थिती आणि सुविधांबद्दल प्रश्न उपस्थित होत आहेत. याबाबत आता माहिती समोर आली आहे. रावळपिंडीतील आदियाला तुरुंगाच्या प्रशासनाने स्पष्ट केले आहे की PTIचे संस्थापक इम्रान खान यांचे निधन झालेले नाही. त्यांची प्रकृती उत्तम आहे. प्रशासनाने म्हटले आहे की इम्रान खान यांच्या प्रकृतीबद्दल पसरवल्या जाणाऱ्या बातम्या पूर्णपणे खोट्या आहेत. इम्रान खान यांना सर्व आवश्यक वैद्यकीय सुविधा पुरवल्या जात आहेत.
Web Summary : Amidst rumors of his death, Imran Khan's old post resurfaced, criticizing Asim Munir. Khan's family alleges restricted access, fueling concerns about his well-being. Prison officials deny health rumors, assuring he's receiving medical care.
Web Summary : मौत की अफवाहों के बीच, इमरान खान का पुराना पोस्ट फिर से सामने आया, जिसमें असीम मुनीर की आलोचना की गई। खान के परिवार ने प्रतिबंधित पहुंच का आरोप लगाया, जिससे उनकी भलाई के बारे में चिंता बढ़ गई। जेल अधिकारियों ने स्वास्थ्य अफवाहों का खंडन किया, आश्वस्त किया कि उन्हें चिकित्सा देखभाल मिल रही है।