हॅमबर्ग, दि. 28 - जर्मनीमधील हॅमबर्ग सुपरमार्केटमध्ये एका व्यक्तीने केलेल्या चाकू हल्ल्यात एकाचा मृत्यू झाला असून अनेक जण जखमी झाल्याचे वृत्त आहे. पोलिसांनी दिलेल्या माहितीनुसार, जर्मनीच्या उत्तरेकडील भागात असलेल्या हॅमबर्ग शहरातील सुपरमार्केटमध्ये एका व्यक्तीने येथील लोकांवर शुक्रवारी चाकूने हल्ला चढविला. या हल्ल्यात एकाचा मृत्यू झाला असून अनेक जण जखमी झाल्याचे सांगण्यात येत आहे. घटनास्थळी पोलीस दाखल झाले असून संपूर्ण परिसर रिकामी करण्यात आला आहे. तसेच, या हल्लेखोराला पोलिसांनी ताब्यात घेतले आहे. दरम्यान, त्या हल्लेखोराने कोणत्या उद्देशाने हा हल्ला केला आणि या हल्ल्यात किती जण जखमी झाले आहेत, याबद्दल अद्याप माहिती मिळाली नसल्याचे ट्विट हॅमबर्ग पोलिसांनी केले आहे.
One dead, several injured in Hamburg supermarket knife attack (Germany), reports AFP quoting police
— ANI (@ANI_news) July 28, 2017