Microsoft Bill Gartes : प्रेमाचा महिना चालू आहे आणि मायक्रोसॉफ्टचे सहसंस्थापक बिल गेट्स पुन्हा एकदा प्रेमात पडले आहेत. मीडिया रिपोर्ट्सनुसार, बिल गेट्स पॉल हर्डसोबत रिलेशनशिपमध्ये आहेत. 60 वर्षीय पॉल हर्ड ओरॅकलचे चेअरमन मार्क हर्ड यांच्या पत्नी आहेत. मार्क हार्ड यांचे 2019 मध्ये निधन झाले. इंग्रजी मीडिया डेली मेलच्या रिपोर्टनुसार, बिल गेट्स आणि पॉल हर्ड यांनी एकत्र टेनिस सामन्याचा आनंद लुटला, याचे काही फोटोही सध्या व्हायरल होत आहेत.
मीडिया रिपोर्ट्सनुसार, बिल गेट्स आणि पॉल हर्ड जानेवारी महिन्यात झालेल्या ऑस्ट्रेलियन ओपनमध्ये एकत्र दिसले होते. ऑस्ट्रेलियन ओपन पाहिल्यानंतर बिल गेट्स आणि पॉल हर्ड दोघेही मेलबर्नहून सिडनीला ऑस्ट्रेलियाचे पंतप्रधान अँथनी अल्बानीज यांना भेटायला गेले होते. डेली मेलने आपल्या रिपोर्टमध्ये लिहिले की, बिल आणि पॉल अनेक वर्षांपासून एकमेकांच्या संपर्कात होते. पॉल हर्डला अनेकदा मिस्ट्री वुमन म्हटले जायचे. दोघांच्या जवळच्या लोकांनाच एकमेकांच्या नात्याबद्दल माहिती होती. पॉल हर्ड माजी टेक एक्झिक्युटिव्ह असून, आता एक समाजसेविका आणि इव्हेंट प्लॅनर आहे.
2021 मध्ये बिल गेट्सचा घटस्फोटऑगस्ट 2021 मध्ये बिल गेट्स आणि त्यांची माजी पत्नी मेलिंडा फ्रेंच गेट्स यांचा 27 वर्षांनी घटस्फोट झाला. या दोघांच्या घटस्फोटानंतर दोन वर्षांनी बिल गेट्सच्या नात्याची बातमी आली आहे. बिल गेट्स आणि त्यांची माजी पत्नी मेलिंडा गेट्स यांना 3 मुले आहेत. तर, पॉल हर्डलाही दोन मुली आहेत. मार्क हर्डला टेनिस खेळण्याची आवड होती. 2015 मध्ये पॉल हर्डने कॅलिफोर्नियामध्ये टेनिस सामन्यादरम्यान बिल गेट्सच्या मागे उभे राहून फोटोही काढले होते. टेनिसमुळे दोघेही एकमेकांच्या जवळ आल्याचे मानले जात आहे.