मेक्सिको सिटीमध्ये एका सार्वजनिक कार्यक्रमादरम्यान एका व्यक्तीने देशाच्या पहिल्या महिला राष्ट्रपती क्लॉडिया शीनबॉम यांना स्पर्श करून चुंबन घेण्याचा प्रयत्न केला. या घटनेमुळे संपूर्ण मेक्सिकोमध्ये संताप निर्माण झाला असून राष्ट्रपतींच्या सुरक्षेबाबत गंभीर प्रश्न उपस्थित केले जात आहेत.
क्लॉडिया शीनबॉम राजधानीच्या ऐतिहासिक शहराच्या मध्यभागी एका सार्वजनिक कार्यक्रमात नागरिकांचे स्वागत करत होत्या. त्या रस्त्यावर नागरिकांशी संवाद साधत असताना मद्यधुंद असलेल्या एका व्यक्तीने मागून येऊन त्यांना स्पर्श केला आणि चुंबन घेण्याचा प्रयत्न केला. ही घटना घडत असताना काही सेकंदांपर्यंत कोणत्याही सुरक्षा कर्मचाऱ्यांनी हस्तक्षेप केला नाही. त्यानंतर अधिकाऱ्यांनी त्या व्यक्तीला राष्ट्रपतींपासून दूर केले.
या धक्कादायक घटनेनंतरही, महिला राष्ट्रपती क्लॉडिया शीनबॉम यांनी संयम राखला. व्हायरल झालेल्या फुटेजमध्ये त्या व्यक्तीला हळूवारपणे बाजूला ढकलून त्या 'काळजी करू नका',असे हळूवारपणे म्हणत असल्याचे ऐकू येते. क्लॉडिया शीनबॉम या त्यांचे गुरू आणि पूर्वसुरी आंद्रेस मॅन्युएल लोपेझ ओब्राडोर यांच्याप्रमाणेच सार्वजनिक ठिकाणी नागरिकांशी उघडपणे मिसळण्यासाठी ओळखल्या जातात. मात्र, या घटनेमुळे त्यांच्या सुरक्षेवर गंभीर प्रश्नचिन्ह उभे राहिले आहे.
क्लॉडिया शीनबॉम कोण आहेत?
क्लॉडिया शीनबॉम यांनी गेल्या वर्षी मेक्सिकोच्या पहिल्या राष्ट्रपती म्हणून पदभार स्वीकारला. त्यांचा जन्म १९६२ मध्ये मेक्सिको सिटीमध्ये झाला असून, त्यांनी यापूर्वी शहराच्या महापौर म्हणून काम केले आहे. त्या ज्यू कुटुंबात जन्मलेल्या असून त्यांचे पालक शास्त्रज्ञ होते.
Web Summary : Mexico's President Claudia Sheinbaum was groped and nearly kissed during a public appearance. A man approached her in Mexico City, sparking outrage and raising security concerns. Sheinbaum, known for engaging with the public, maintained composure after the incident.
Web Summary : मेक्सिको की राष्ट्रपति क्लाउडिया शीनबॉम के साथ एक सार्वजनिक कार्यक्रम के दौरान छेड़छाड़ और चुंबन का प्रयास किया गया। मेक्सिको सिटी में एक व्यक्ति ने उनसे संपर्क किया, जिससे आक्रोश फैल गया और सुरक्षा चिंताएँ बढ़ गईं। शीनबॉम ने घटना के बाद संयम बनाए रखा।