चोरानं चक्क ट्रम्प यांचं मास्क घालून लुटलं दुकान, सीसीटीव्हीत घटना कैद

चोरीच्या घटना आजकाल सर्रास होत असतात. परंतु दुकानदारही सजग झाल्यानं दुकानात सीसीटीव्ही कॅमेरे बसवतायत.

कॅनबेरा- चोरीच्या घटना आजकाल सर्रास होत असतात. परंतु दुकानदारही सजग झाल्यानं दुकानात सीसीटीव्ही कॅमेरे बसवतायत. त्यामुळे चोरांच्या चोरीचा पर्दाफाश करण्यासाठी पोलिसांनाही मदत मिळतेय. परंतु अमेरिकेतल्या एका चोरानं चोरी करण्यासाठी वेगळीच शक्कल लढवली आहे. या चोरानं दुकान लुटण्यासाठी चक्क अमेरिकेचे राष्ट्राध्यक्ष डोनाल्ड ट्रम्प यांचं मास्क घातलं होतं. क्विसलँड पोलिसांनी आरोपीला ओळखून देण्याचं आवाहन केलं आहे.स्ट्रेथपाइनमधल्या दुकानात चोरीची घटना उघडकीस आली आहे. खरं तर ही पूर्ण घटना सीसीटीव्ही कॅमेऱ्यात कैद झाली आहे. पोलिसांच्या माहितीनुसार, आरोपीनं शॉपिंग सेंटरचा काच फोडून आत प्रवेश केला. त्यानंतर त्यानं ज्वेलरीच्या दुकानाची खिडकी फोडून अनेक घड्याळं चोरली.इतकंच नव्हे, तर विजेच्या दुकानाची काचही त्यानं फोडली. काही काही सामान चोरी करून तो पसार झाला. विशेष म्हणजे आरोपीनं अमेरिकेचे राष्ट्राध्यक्ष डोनाल्ड ट्रम्प यांचं मास्क घालून ही चोरी केली आहे. त्यानं ट्रॅक पँट आणि पांढरे बूट घातले होते. या घटनेची सोशल मीडियावर खूप चर्चा आहे. ट्रम्प यांचं मास्क घालून चोरी करणार तो आरोप कोण, याचा आता पोलीस शोध घेत आहेत.