गेल्या काही दिवसापासून इस्त्रायल आणि हमासमध्ये युद्ध सुरू आहे. आता या युद्धादरम्यान अमेरिकेने सीरियामध्ये मोठा हवाई हल्ला केला आहे. इराण समर्थित सशस्त्र गटांच्या तळांना लक्ष्य करण्यात आले आहे. युद्धाच्या काळात मध्यपूर्वेतील अमेरिकन लष्करी तळांवर अनेक रॉकेट-क्षेपणास्त्र हल्ले झाले आहेत. राष्ट्राध्यक्ष जो बायडेन यांच्या सूचनेनुसार अमेरिकन लष्कराने ही कारवाई केली. सीरियापासून इराकपर्यंत अमेरिकन लष्करी तळांवर हल्ले झाले आहेत. अमेरिकेने यासाठी इराणच्या इस्लामिक रिव्होल्युशनरी गार्डला जबाबदार धरले होते.
SCO बैठकीत जयशंकर संतापले! चिनी BRI ला कडाडून विरोध, भारत-मिडल ईस्ट कॉरिडॉरचे केले कौतुक
अमेरिकेचे संरक्षण मंत्री लॉयड ऑस्टिन यांनी सांगितले की, राष्ट्राध्यक्ष जो बायडेन यांच्या सूचनेनुसार उत्तर सीरियामध्ये इराण समर्थित अतिरेकी संघटनांवर हवाई हल्ले करण्यात आले. याच संघटनेने अमेरिकन लष्करी तळांवर हल्ला केल्याचे मानले जात आहे. वेगवेगळ्या हल्ल्यांमध्ये २१ अमेरिकन सैनिक जखमी झाले. संरक्षण सचिव ऑस्टिन म्हणाले, “राष्ट्रपती जो बायडेन यांच्या सूचनेनुसार, अमेरिकेच्या सैन्य दलांनी इराणच्या इस्लामिक रिव्होल्युशनरी गार्ड कॉर्प्स आणि पूर्व सीरियातील संबंधित गटांद्वारे वापरल्या जाणार्‍या दोन तळांवर स्वसंरक्षणार्थ हल्ले केले आहेत.
संरक्षण सचिव ऑस्टिन यांनी पुन्हा एकदा पुनरुच्चार केला की, अमेरिका संघर्ष टाळण्यासाठी आपल्या वचनबद्धतेचा पुनरुच्चार करत आहे आणि संघर्षात उडी घेण्याची त्यांची कोणतीही योजना नाही. त्यांनी इराणच्या इस्लामिक रिव्होल्युशनरी गार्ड्सने कथितपणे केलेल्या हल्ल्याचे वर्णन अस्वीकार्य असल्याचे सांगितले आणि अमेरिकन सैन्यावरील असे हल्ले थांबले पाहिजेत. संरक्षण मंत्री ऑस्टिन म्हणाले की, जर इराणचे प्रॉक्सी अमेरिकन सैन्याला लक्ष्य करत राहिले तर अमेरिका आपल्या जवानांच्या संरक्षणासाठी आवश्यक ती पावले उचलण्यास मागेपुढे पाहणार नाही.
हिजबुल्लासारख्या संघटना हमासच्या हल्ल्याचा आणि प्रत्युत्तरात इस्रायलच्या प्राणघातक हवाई हल्ल्याच्या निषेधार्थ उतरल्या आहेत. हिजबुल्लाहने हमासला पाठिंबा जाहीर केला असून इतर आघाड्यांवरही हल्ले सुरू केले आहेत. दरम्यान, इराक आणि सीरियामध्ये त्यांच्या लष्करी तळांवर हल्ले करण्यात आले. आतापर्यंत अमेरिकन लष्करी तळांवर १६ हून अधिक ड्रोन आणि रॉकेट हल्ले झाले आहेत. या हल्ल्यांसाठी अमेरिकेने थेट इराणला जबाबदार धरले आहे. १९ ऑक्टोबर रोजी हौथीने हवाई हल्लाही केला ज्यामध्ये चार मध्यम पल्ल्याच्या क्षेपणास्त्रे आणि १५ ड्रोन हल्ले झाले पण अमेरिका आणि सौदी अरेबियाने ते नष्ट केले. हे हल्ले इस्रायलसाठी होते असे अमेरिकेचे म्हणणे आहे.