लॉस अँजिलोस- प्रसिद्ध अॅडल्ट मॅगझिन 'प्लेबॉय'चे संस्थापक ह्यूग हेफनर यांचं निधन झालं आहे. 91 वर्षीय ह्यू हफनर यांनी बुधवारी रात्री अमेरिकेत अखेरचा श्वास घेतला.
- ह्यूग हेफनर यांना प्रेमाने जवळची माणसे हेफ म्हणायची. करीयरच्या सुरुवातीपासूनच ते हुशारी, कुशाग्र बुद्धीमत्तेसाठी ओळखले जायचे.
- अमेरिकेत अभ्याक्रमाची पदवी घेण्यासाठी चारवर्ष लागतात. हेफ यांनी अवघ्या अडीच वर्षात ही पदवी मिळवली. उरबानातील इलिनॉईस विद्यापीठातून त्यांनी मानसशास्त्र विषयात पदवी घेतली होती.
- एमए पदवीसाठी शिक्षण घेत असताना त्यांनी 'अमेरिकन कायद्यात सेक्स वर्तन' या विषयावर निबंध लिहीला होता. त्या निबंधासाठी त्यांना ए ग्रेड मिळाला होता.
- हेफ यांना त्यांची आई ग्रेसने प्लेबॉय मॅगझिन सुरु करण्यासाठी 1 हजार डॉलरचे कर्ज दिले होते
- नोव्हेंबर 1953 मध्ये प्लेबॉय मॅगझिनची सुरुवात झाली. पण पहिल्या आवृत्तीवर मॅगझिन कधी प्रसिद्ध झाले ती तारीख टाकण्यात आली नव्हती. कारण दुसरी आवृत्ती निघेल याची हेफनर यांना खात्री नव्हती.
- धर्मगुरु आणि चर्चमधल्या अधिका-यांनी प्लेबॉय मॅगझिन विकत घ्यावे यासाठी हेफनर यांनी वेगळे सवलतीचे दर ठेवले होते. न्यूड फोटोसाठी प्लेबॉय मॅगझिनवर टीका करणा-यांनी या मुद्यावर जास्तीत जास्त डिबेट करावी हा सवलतीमागे उद्देश होता.
- 1960 साली जेव्हा अमेरिकेतील कृष्णवर्णीयांना समान अधिकार नाकारण्यात आले त्यावेळी हेफनर यांनी शिकागोमध्ये पहिला प्लेबॉय क्लब सुरु केला. या क्लबमध्ये कुठलीही जाती-भेदाची भिंत नव्हती. सर्वांना प्रवेश होता.
- ह्यूग हेफनर हे मॅगझिनच्या इतिहासात सर्वाधिकाळ संपादकपद भूषवलेले व्यक्ती आहेत. यावर्षाच्या एप्रिल महिन्यापर्यंत ते सक्रीय होते. त्यांच्या मंजुरीनेच सर्व अकांचे प्रकाशन व्हायचे.