Israel Hamas War : इस्रायल आणि हमासमधील युद्ध अधिक तीव्र झाले आहे. दरम्यान, आता हमासविरोधातील युद्धात इस्रायली लष्कराला मोठे यश मिळाले आहे. इस्रायली सुरक्षा दलांनी सोमवारी सांगितले की, इस्रायली सैनिकांनी उत्तर गाझा येथील कमल अडवान हॉस्पिटलमध्ये छापा मारताना सुमारे 100 संशयित हमास दहशतवाद्यांना पकडले आहे. पण, गाझा आरोग्य अधिकारी आणि हमासने रुग्णालयात दहशतवाद्यांची उपस्थिती नाकारली आहे. गेल्या आठवड्यात शुक्रवारी इस्रायली लष्कराने या रुग्णालयावर हल्ला केला होता.
इस्रायली लष्कराने सांगितले की, सैनिकांनी कंपाऊंडमधून सुमारे 100 दहशतवाद्यांना पकडले. याशिवाय सैन्याला रुग्णालयात मोठ्या प्रमाणात शस्त्रे, दहशतवादी निधी आणि गुप्तचर दस्तऐवज सापडले आहेत.
हमासच्या दहशतवाद्यांनी हल्ला केला इस्रायल आणि हमास यांच्यातील युद्धाला एक वर्षाहून अधिक काळ लोटला आहे. सध्या तरी युद्ध थांबण्याची चिन्हे दिसत नाहीत. हमासच्या दहशतवाद्यांनी गेल्यावर्षी 7 ऑक्टोबर रोजी इस्रायलवर हल्ला केला होता. हमासच्या दहशतवाद्यांनी हल्ला करून सुमारे 1200 इस्रायली नागरिकांची हत्या केली आणि 250 लोकांना ओलीस ठेवले. तेव्हापासून या युद्धाला सुरुवात झाली आहे. या युद्धात हजारो निष्पाप लोकांचा बळी गेला आहे.